Endamê Desteya Siyasî ya Hevbendiya Niştimanî ya Sûrî Nezîr Hekîm, tekez kir ku helmeta nijadperestî ya li dijî penaberên Sûrî li Libnanê, bi serpereştiya Hizbullah û Îranê ye.
Û Hekîm di hevpeyvînekê de li gel “Neda Post” de, wek bersivê li ser helmeta di bin navê “Helmeta Niştimanî ya Rizgarkirina Libnanê ji Dagirkeriya Demografî ya Sûrî” de hatiye lidarxistin, ew helmeta ku penaberên Sûriyê yên li Libnanê wek metirsiyê li ser demografiya Libnanê dîtine, got: “Ew behsa çi demografiyê dikin di dema ku rijêma Esed û Hizbullah ji bidehên salan de Libnan di warên leşkerî, siyasî û aborî de dagîr kirine.”
Û Hekîm got: “Gelo dema rijêma Sûriyê xaka Libnanê xistibû bin destê xwe de û ew bi awayekî mezhebî ji bo lawazkirina wê dabeş kiribû, ji bo xistina wê di bin desthilata Hizbullah de, ew helmet li ku bûn?”
Û bal kişand ser ku “Ev helmet Îranî ye, û bi serpereştiya Hizbullah birêve diçe, ji bo veşartina guhertina demografîk ya ku Îran li Sûriyê pêk tîne.”
Û Hekîm tekez kir û got: “Gerek e siyasetmedar, kesayetên oldar û mirovên birûmet li Libnanê, li hemberî vê helmetê derkevin, û pilangeriya wê eşkere bikin, û li kêleka penaberên Sûrî yên li Libnanê rawestin, û rê nedin ku wan bi kotekî vegerînin deverên rijêmê da wan bikuje”. Û bal kişand ser ku berê gelek caran tekez bûye ku endamên tabûra çaremîn binpêkirin dermafê sûriyên ji Libnanê vegeryane pêk anîne.
Û Endamê Desteya Siyasî ya Hevbendiya Niştimanî bang li rêkxistin û komîteyên mirovî kir da bi erkên xwe derbarê penaberên Sûrî li Libnanê rabin, û destêwerdanê ji bo parastina wan û dabînkirina mafên wan bikin, li gorî yasa û biryarên Netewên Yekbûyî û saziya mafên penaberan.
Jêder: Ofîsa Ragihandinê ya Hevbendiya Niştimanî ya Sûrî
