Îro roja înê û ji ber êrîşeke (YPG) ya ser bi partiya PYD ê ve û hêzên alîgirên wê li ser derdora Ezazê li gundewarê bakurê Helebê, nexweşxaneya niştimanî ya Ezazê ji kar ket, ji ber armanckirina avahiya nexweşxaneyê.
Endamê Hevbendiya Niştimanî ya hêzên şoreş û rikberiya Sûriyê Cewad Ebû Heteb, armanckirina nexweşxaneya Ezazê şermezar kir, û got ku ev yek qeyrana mirovî ya xelkê Sûriyê li ser hemû astan nemaze li ser astê pizîşkî xirabtir dike, hevdem bal kişand li ser giringiya bêalîkirina nexweşxane û xalên pizîşkî kir di şer û pevçûnan de.
Ebû Heteb da zanîn ku kiryarên PYDê dikevin di berjewendiya rêjîma Esed de, û tevgerên mîlîşên wê yên girêdayî bi pirojeyên ne riyalîtîk ve tên li dijî armancên hêzên şoreşê, ku eşkera dibe bêgoman ku ew desthilateke ya şûnkara rêjîma Esed e.
Endamê Hevbendiya Niştimanî diyar kir ku 27 navend û nexweşxane û xwendingeh ji aliyê firokên Rûsiya li tevahiya Sûriyê hatine armanckirin, ku bûne sedema kuştin û birîndarkirina gelek karmendên nojdarî, û amaje kir ku armanc ji vê yekê koçberkirin û çêkirina guhertina dîmografîk e.
Li aliyek din Ebû Mihemed Elhelebî yê birînpêç got ku nexweşxane ji kar ket û alavên wê hatin veguhestin bo gundê Şimarîn ji ber êrîşên YPGê li ser nexweşxaneyê û derdorên wê ji du rojan ve.
Elhelebî yê wek alîkarekî neşterger kar dike diyar kir ku nexweşxaneya “Niştimanî ya Ezazê” mezintirîn nexweşxaneya di navçeyên rizgarkirî de li Helebê û gundewarê wê de ye, ku amadekirî bû bi alavên pizîşkî û yên neştergerî.
Bal kişand ku nexweşxane tê birêvebirin ji aliyê desteya “Pizîşkên Perçezemînan” ya cîhanî, ku rojane xizmetên nojdarî di sercem beşan de bo zêdetir ji 500 kesan re pêşkêş dike, û tevî kilînîkgehên derve yê paşbendî nexweşxaneyê.
Elhelebî amaje kir ku nexweşxane ji 5 beşan pêktê, beşa çavdêriya niştergerî, wêneyên tîşkî, firyakeftin, taqîgeh, nexweşiyên jinan û yên zarokan, û ji çar odeyên niştergeriyê, û got ku rojane 15 operasyonên neştergerî yên corbecor dihatin çêkirin, û kadroyên pizîşkî yên nexweşxaneyê ji 20-30 pizîşkan û tevî bidehên birînpêçan pêk dihat.
Û bal kişand ku berî kêmtir ji heyvekê nexweşxane rastî êrîşeke Rûsiya hat ku bi şêweyekî beşikî bo mawê du rojan ji kar ket, lê carek din ket kar lê bi xizmeteke kêm ji ber ziyanên lê hatin kirin.
Jêder: Anadol + Hevbendî
