Rêxerê giştî yê desteya bilind ya danustandinan Riyad Hicab, tekezî li ser pêgiriya desteya danustandinan bi bercewendiyên gelê Sûriyê kir, û herwiha bizavê dike ji bo pêkanîna hêviyên gel, û tekez kir ku pêwîst e gengeşekirina mijara veguhestina siyasî û duristkirina desteyeka hikumraniya veguhêz ya bi tevaya desthilatan, bê hebûna Bişar Esed, û desteka rêjîma wî ya tawankar, nav û nîşana sereke ya vê gera niha ya danustandinan be.
Ev daxuyanî îro hatin di miyanê civîna wî ya desteya siyasî ya Hevbendiya Niştimanî re û bi amadebûna serokê Hevbendiyê Enes El’ebide û desyeya serokayetiyê li baregeha Hevbendiyê.
Herwiha têde, rêxerê giştî bi têr û teselî li ser rojeva piroseya siyasî ya niha li Jinêv3 dibe axivî, û behsa gengeşeyên hatîn kirin digel Dîmestora kir, tevî behsa hevdîtin û pêwendiyên desteyê bi nûnerê dewletên zilhêz û yên bira û yên herîmî yên karîger di doseya Sûriyê de kir.
Hicab tekezî kir ku helwesta neguhêr ya desteyê, bû fakterê neçarkirina rêjîma Esed li ser derbaskirina alîkariyên mirovî bo hin navçeyên dorpêçkirî, ku hêjî hewl berdewam in bo derbskirina alîkariyên zêdetir, tevlî pêdagirî û dakokîkirina me li ser vekirina fayîlê girtiyan û karkirin ji bona pêşvebirina vî fayîlî.
Herwiha endamên Hevbendiyê bi rêxerê giştî re behsa giringiya dadgehkirina tawanbarên şer li Sûriyê û di serî Bişar Esed kirin, û bal kişandin li ser hin mijarên têne gengeşekirin ji aliyê hin dewletan ve, ku têde hin pêşniyarên çareseriyên qetkirî; li ser vê yekê Hicab tekez kir ku deste li ser hêleka rast û diyar kar dike, û mafê kesî ji opozisyonê nîne ku di mafên gelê Sûriyê de bibihûre, yan derkeve dervî piransîpên şoreşa Sûriyê.
Jêder: Hevbendî