Îro Sibehê Emîndarê giştî Mihemed Yihya Mektebî û cîgira Serokê Hevbendiyê Nexem Elxadirî bi Şandeya Peywendiyên derve ya Parlemanê Fransî û bi amadebûna Balyozê Frensî li Tirkiyê, dosya têkbirina Tiroristiyê û peywendiya navbera Esed û Rêkxistina Dewletê(Daiş) gotûbêj kirin.
Herweha Emîndarê giştî sersaxiya Şandeya Frensî kir, li ser qurbaniyên kirdeya tiroristî ya dijî Rojnameya “Şarlî Îbdo” çê bû, û hevxemiya xwe digel malbatên qurbaniyan da xuya kirin, Mektebî ji Şandeya Frensî re got: “Em êdî ketin çeperekê de di beraberiya şerê tiroristiyê de, û em li peywendiyên bi Frensa re miqate ne û em helwestên Frensa yên di derbarê Şoreşa Sûriyê de bilind dinirxînin. ”
Ji aliyekî dî ve cîgira Serokê Hevbendiyê Nexem Elxadirî got: Rêjîma Esed piştî Şoreşa Sûriyê dest pê kir Girtiyên tawanbar bi kêşeyên tiroristiyê û yên ji şerê Iraqê vegeriyabûn ji zindanan berdan, û ew nuha parek ji Daişê ne, herwiha Rêjîmê derfet ji mezinbûna Daişê re vekir, û çavê xwe ji hebûn û bombebarana Daiş li baregehên Reqa û Dêrazorê girt . lê di heman demê de sivîl û Artêşa Azad bombebaran dikirin.
Emîndarê giştî bêtir got: Rêjîma Esed bi Rêkxistina xwe ya Ewlekarî, pir pêkhatî ye dikare henasên Sûriyan bihejmêre, hem jî piştgiriya Rêkxistinên Tirorist dike, û derfetê dide wan da tevgerê bêtir bikin û li Şoreşê bizîvire. Çimkî ew dizane ko tiroristî derdê Emerîka û Ewropiyan e û dixwaze diyar bike ko ew jî di cegna li dijî tiroristiyê de hevbeş e, lê ya rast ko ew parek ji tiroristiyê ye.
Mektebî da xuyakirin ko Hevbendî bi du çavên cuda li Dewleta Sûriyê û Dezgehên wê yên ku divê bên parastin, û rijêma Esed û dezgehên wî yên Ewlekariyê dinere, tekez kir ko tunekirina Esed dê tunekirina Daişê hêsantir bike. Çimkî hinek ji ewan kesên ko tevli Rêkxistinên Tirorist bûne ne ji baweriya Îdyolocî ye, lê neçar man dema ketin navbera Rêjîmê û Daiş de.
Herwiha gotûbêj li ser rola Frensa di derbên Hevpeymana Navdewletî ya ko baregehên Rêkxistinên Tirorist amanc dike. Hem jî beşdarbûna wê di alîkariyên mirovî ji bo xelkên Sûriyê û rewşa nuha ya Artêşa Azad li ser xakê û piştgiriya leşkerî hatin gotûbêj kirin.
Emîndarê giştî bal kişand ser giringiya çareserkirina tiroristiyê di planeke tekûz de li ser asta leşkerî, mirovî, ramanî û civakî, û yekgirtina kenalên piştgiriyê di aliyê siyasî de bi rêya Hevbendiyê û ji aliyê leşkerî ve di rêya desteya Erkan û wezareta berevaniyê ya desthilata demkî, çimkî piştgiriya nebirêkûpêk ziyanên mezin ji rewşa siyasî û leşkerî re çê kirine.
Meketebî tekez kir ko Hevbendî ji aliyê Hevalên Gelê Sûriyê ve bi çavekî li tevan dinere, Çimkî ev şêwe di berjewendiya Gelê Sûriyê yê doza azadî û dadiyê dike de ye.
Jêder: Hevbendî
