105 sivîl bi kêmanî şehîd ketine, û nêzîk 300ên din gihane halê bînçikênê, bi encama bombebaraneke hovane ko firokên dagîrkerên Rûsî û Rêjîma Esed têde mûşekên valahî û bombeyên hejhejok û gazên jehrîn bikar anîne, çend bajarok li gundewarê rojhilat yê Hema û bi çend êrîşan li ser bajarê Reqa bikaranîne û di encamê de 15 sivîl şehîd ketine.
Hevbendiya Niştimanî doh di daxuyaniyekê de daxwaz kir ko gerek vekolîneke navdewletî yekser der barê binpêkirina yasaya navdewletî û tawanên cengê û binpêkirina biryarên Encûmena Ewlekariyê û bi taybetî ya 2118 çêbibe, û tekez kir ko aliyên berpirsiyarên van tawanan gerek sizayên kirdeyên xwe bibînin.
Hevbendiyê tekez kir ko bêçaretiya navdewletî himber tawana Esed ya kîmawî di derheqê sivîlan de li Xûta Şamê sala 2013an, bê ko tawankar çi sizayê bibînin, derî li ber bidehên tawan û kuştarên heta îro dibin vekir, û pûçbûna biryara navdewletî wê derî li ber tawanên din li Sûriyê û derveyî wê di demên tên de veke, heta ko dezgehên civaka navdewletî li himber van tawanan bêçare bin.
Hevbendiya Niştimanî helwesta navdewletî ya kirêt ya ko hişt mijar bigihên vê astê şermezar kir, ko bi sedan şehîd û birîndar ketine û bûne qurbanî bi gazên kîmawî ji nav wan zarok û jin, û dezgehên ragihandinê wêneyên wan derdixînin bê ko ew hestekî mirovî libal civaka navdewletî bilivîne tako li himber vê tawankariya berdewam rawestin.
Jêder: Nivîsgeha Ragihandinê ya Hevbendiya Niştimanî