Rêjîma Esed û ji bona timamkirina pirojê xwe yê koçberkirina neçarî û guhertina dîmografiya derdora Şamê, gef şandin ji xelkê Me’edemiya Şamê re ji bona radestkirina çekên şervanan û valakirina bajêr, yanjî wê rastî kiryateke komkujiyê bibin.
45 hezar kes li Me’edemiyê dijîn pirên wan jin û zarok in, û her ji sala 2013 de ji aliyê hêzên rêjîmê ve dorpêçkirî ne, û riyên derbaskirina kelupelên xwarin û dermanan biyekcarî li ser bajêr hatine birîn, û niha hêzên Esed Çeperên xweliyê li derdora wê çêdikin, hevdem digel bombebarankirina bajêr bi bermîlên teqîner û bi çekên giran, û bi vê yekê rêjîm agirbesta mohrkirî bi xelkê bajêr re ya bi çavdêriya Tîma Şanderê navdewletî bo Şamê binpê dike.
Duhî beşa mafê Mirov ya komîta zagonsaziya Hevbendiya Niştimanî, daxuyaniyek derxist têde daxwaza hilgirtina berpirsyaretiyan û tevgereke bilez ji bona parastina xelkê sivîl yên bêguneh ji komkujiyeke nêzîk ji heryek ji Komkara Erebî û Netewên Yekgirtî û Şanderê navdewletî yê taybet bo Sûriyê kir.
Komîteyê daxwaz ji Encûmena Asayîşê kir ji bona bizavên rijd ji bo rawestandina êrîşên rêjîmê, û rêgirtina li pêş encamdana vê gefxwarin û komkujiya nêzîk, herwiha ferzkirina pêgiriya bi biryarên xwe yên 2139 û 2254 yên ji bona parastina sivîlan û rêgirtinê li pêş êrîşên li dijî sivîlan û rakirina dorpêça sepandî ji aliyê rêjîmê û derbaskirina alîkariyên mirovî û rawestandina bombebarankirina navçeyên sivîlan.
Hevdem gazî li sercem dezgehên mafên mirovan kir ji bona liv û xistina fişaran li ser civaka navdewletî ji bona rawestandina encamdana vê komkujiyê, ku tê dîtin wek kiryareke jinavbirina bi komel ya sivîlên Me’edemiyê, ku berpirsayetiya wê di stûyê Bişar Esed û Mahir Esed de ye, ji ber ku hêzên bajêr dorpêç dikin ew hêzên zêravaniya komarî û firqa çarê ne ku yekser fermanên xwe ji herduyan distînin.
Jêder: Hevbendî
