Enes El’ebde, Serokê Hevbendiya Niştimanî ya Hêzên Şoreş û Rikberiya Sûrî, daxwaza parastina pirosêsa siyasî ji Yekîtiya Oropî kir, di riya rizgarkirina Rêkeftina Rawestandina Karên Dijminkariyê, û her weha daxwaz jê kir ku roleke wê ya giring û bingehîn di Sûriyê de hebe.
Û di hevdîtineke wî de li gel nûnera bilind ya siyaseta derve ya Yekîtiya Oropî Fîdrîka Moxrînî, îro dûşembê li Piroksilê, berî civîna Encûmena wezîrên derve yên Yekîtiya Oropî, ji bo gengeşekirina rewşa Sûriyê, El’ebde jêre da xuyakirin ku rêjîma Esed Sûriya wêran dike, û hewl dide ku agirbestê û pirosêsa siyasî têk bibe.
Û El’ebde daxwaz ji Yekîtiya Oropî kir ku ew xwe nede alî der barê tiştên ku li Sûriyê dibin, û bi taybetî ku Oropa bi xwe jî û herêm bi tevahî zerermendin ji van bûyerên ku li navçeyê çêdibin ji ber tawanên rêjîma Esed û hevalbêndên wê.
Û El’bde nîşan da ku bercewendiya gelê Sûriyê di agirbestê de heye, ji ber vê yekê me û fesîleyen leşkerî pabendî pê kir, her weha sûdeya ji vê agirbestê sivikirina derdeseriya miletê Sûriyê ye.
Û serokê Hevbendiyê ji Moxrînî re binpêkirinên dawî yên Rêjîmê ji agirbestê re diyar kirin, ew binpêkirinên ku ne tenê sivîlan li navçeyên rizgarkirî armanc dikin, lê belê li navçeyên dorpêçkirî jî wek Dareya û taxa Elwe’ir jî armanc dikin.
Û El’ebde bal kişand ku xalên agirbestê ” mafê bersiva jêderên agir yan jî berevaniya di ber xwe de ” dide , û hêzên artêşa Azad ya Sûrî dibînin ku Rêjîm pabendiyê bi agirbestê nake, ji ber vê yekê ji mafê wan e ku ew bersiva jêderên agir bidin, û her weha êrîşî aliyên ku êrîşî wan û deverên dorpêçkirî dikin bikin, û ev yek beşek ji agirbestê ye û ne derketina ji dervî wê ye.
Jêder: Hevbendî