Riyad Elhesen endamê desteya siyasî ya Hevbendiya Niştimanî Ya Hêzên Şoreş Û Rikberiya Sûrî, daxwaz ji Netewên Yekbûyî û Girûpa Navdewletî ya ji bo piştgiriya Sûriyê kir ku bizavê bikin ji bo rizgarkirina navçeyên Sûrî yên dorpêçkirî û hilanîna dorpêçê ji ser wan, û gihandina alîkariyên hawarçûnê bi şêweyekî bi lez, ne xasim bajarokê Medaya yê ku zarok û xelkên wê bi êşeke metirsîdar ketine ji ber kêmbûna xwarin û dermanan.
Û Hesen ji tîmên hawarçûnê yên Navdewletî yên ku kar dikin ji bo gihandina alîkariyan bo Medaya bi hevkariya nojdarên wê daxwaz kir, ji bo derbaskirina pêdawîstiyên xwarin û dermanên corbecor yên ku alîkariyê bikin ji bo danîna sînorekî ji êşa “Kwashiorkor” ya metirsîdar re, her wiha daxwaza derbasbûna tîmên nûjdarî bo wî bajarokî kir, ji bo alîkariyê di rizgarkirina nexweşan de bikin, ta dema ku dorpêç bi şêweyekî tekûz ji ser wî bajarokî rabe, ew dorpêça ku hêzên Esed û mîlîşiyên Hizb Elah ya tîrorîst bi tunedî li ser bajarok daniya.
Tê zanîn ku êşa “kwashiorkor” ya metirsîdar bi zarokên Medaya ya gundewarê Şamê ya dorpêçkirî re çêbûye, bi sedema kêmbûna xwarinê nexasim Pirotîn, ji ber ku kêmbûna Pirotîn û Şekir, û navê vê nexweşiyê bi xwe, ji wê kêmbûnê hatiye, ku bi şêweyekî bingehîn ji kêmbûna Pirotîn çêdibe.
Û tevlî derbasbûna beşekî ji keresteyên xwarinê û alîkariyan bo bajarok, lê ew xurdemenî kêm in, û tu kare bêje ku Pirotîn di wan de nîn e, ji ber ku ew alîkarî tenê arvan û danên beqleyî bûn, lê alîkariyên pizîjkî tenê dermanên zarokan û Antîbiyûtîk bûn, di dema ku pizîjkên bajarok banga xwe gihandibûn şandeya Heyva Sor û Netewên Yekbûyî ji bo derbaskirina heybera “Elbomîn” ji bo dagirtina kêmbûna Pirotîn ya pir li rex zarok û kesên bi nexweşiya “kwashiorkor”ketine.
Û pizîjkên bajarok gotin ku ev nexweşî ber bi zêdebûneke berdewam de ye, û hejmara nexweşên bi vê nexweşiyê bilind bûye, bi ser 210 kesên ku bi navan hatine belge kirin ketiye, bêtir ji 110 kesan ji wan zarokên kêmî 15 salan ne, ku nîşanên vê nexweşiyê eşkere li ser wan xuya ne di riya werimên di laşên wan de diyar in, û bi taybetî di zikên wan de, an jî di reftar û lebta wan ya lawaz diyare, û nexweşên din yên ne zarok, nexweşî di rûyê wan de û bi taybetî di nav gêncên nexweş de xuya dike, lê kesên di ser 50 salî de nexweşî bi taybetî bi werma dest û lingê wan de diyar dibe.
Û pizîjkê çalakvan di warê çalakiyên nûjdarî li bajarokê Medaya de got; ku hejmara nexweşan herûher wê zêde bibe eger heyberên tekûzker ji xwarinê re derbas nebin, û dorpêç neyê vekirin ji bo ku xelk bikaribin xwarinên corbecor tevlî fêkî û şînayî û goşt bi dest bixin .
Jêder:Hevbendî
