Serokê Hevbendiya Niştimanî Xalid Xoce di rûniştinekê de ji yên Civîna Bala ya Ewlekariya Herêmî de beşdar bû. Civîn bi vexwendina Peymangeha Bala ya vekolînên Istiratîcî IISS îro şemiyê li Mename Peytexta Behrên çêbû. ji aliyekî dî ve Wezîrê Birîtanî Fîlîb Hamond û Wezîrê derve yê Efxanî Selahedîn Rebanî jî beşdar bûn.
Civîn li ser sedemên tundrewiyê li Herêmê û Sûriyê bû, û divê çi şûna vê tindrewiyê bigire, herweha hewlên pêşdebirina alav û şêweyê rûberûbûna arîşeyên li deverê.
Xoce tekez kir ko Rêjîma Esed ewê rê li pêş tundrewiyê xweş kir, piştî ko hemû karînên xwe yên leşkerî bikar anîn ji bermîlên teqîner heta bi çekên kîmawî, berê diyardeya tundrewiyê li Sûriyê tune bû û miletê Sûrî hemû bi hev re bi xweşî dijiyan.
Xoce destnîşan kir ko hêj heta nuha libal civaka navdewletî çi çare peyda nebûye ko li ser Rêjîmê feriz bike. Hem jî Encûmena Ewlekariyê nikare biryarekê ji bo evê mijarê derbixe an karibe biryarên xwe cîbicî bike.
Xoce bal kêşand ser ko hemû pêkhatiyên Sûrî sê beraberî dîtin yek jê stema Rêjîma Esed û nebûna Herêmeke aram, ya din hebûna Rêkxistina Daiş û çeteyên milîperest yên ko li kêleka Esed li dijî milet şer dikin û ya din dagîrkeriya Îran û Rûsiyayê.
Xoce diyar kir; em bûne tevgerek li dijî dagîrkarên Îranî û Rûsî, û destnîşan kir ko bêtir ji 1700 qurbanî bi êrîşên Rûsya jiyana xwe jidest dan, hem jî 12 nexweşxane li sê parêzgehan amanc kirin.
Xoce got tev zordariya Rûsya û Rêjîmê, wan nikarîbû li herêmên rizgarbûyî gavekê bipêş ve biçin. Her wiha got giring e çareyeke tekûz ji egerên anîna pirsgirêka tiroristiyê re bête danîn, ew jî Esed û hêzên dagîrkerên Îran û Rûsya ne. û Çareseriyeke siyasî li gora daxuyaniya Cinêvê tê de çûna Esed misoger bibe û ev mercê bingehîn e ji têkbirina tiroristiyê re û dest bi operasiyêna lihevhatina niştimanî bibe.
Jêder: Hevbendî
