Serokê Komîta Yasayî di Hevbendiya Niştimanî Sûrî de Heysem Elmalih got ko Gelê Surî cudahiyê dixe navbera Rêjîma Îranî û Miletê îranî yê bêçare de. Û siyaseta Rêjîma Îranî ya ko Îran kiriye makderek ji tundrewiya olî û tiroristiyê re li cîhanê pirotesto kir.
Ev di gotina Şandeya Hevbendiya Niştimanî de hat, ya ji bo kongirê salane yê Tevgera Liberxwedana Îranî yê li Parîsê paytexta Frensa îro Şemiyê lidar ket. Ji aliyê Hevbendiyê ve Serokê Şandeyê Heysem Elmalih û Nezîr Elhekîm û Hesan Elhaşimî li gel hejmarek mezin ji siyasetmedaran û gelek ji revenda Îranî yên hevrikên Rêjîma Îranê amade bûn.
Serokê Şandeya Hevbendiyê Heysem Elmalih got “Ez xweşhal im ko li kêleka miletê Îranî bim û berevaniya mafê pêkhatiyên wan ji Faris, Ereb, Kurd û Azeriyan û yên din bikim. Li dijî Rêjîmeke zordar ko xwe li ser miletekî xwedan dîrok û şaristanî sepandiye û dixwaze wî bike dijmin ji miletên Herêmê re û pilan û rîpên Rêjîmê pêk bîne.”
Elmalih bêtir got: “Peywendiyên dîrokî di navbera me û we de gelek in, û tştên me pev dighînin û dihêlin peywendiyên me berdewam bin pirin,û pirtirin ji ew nakokiyên ko Rêjîma Melayên Îranî çê kirine. ” destnîşan kir ko Rêjîma Melan birîna Sûrî kûrtir kir, bi alîkariya xwe ji Rêjîma Beşar Elesed re, li ser têgeha mezhebî û ji ber wê jî Çemên xwînê li Sûriyê herikîn û berî wê jî li Iraqê jî herikandin.
Elmalih bal kêşand ser ko Berpirsiyarên Îranî xwe beşdarî agirê zordariya Rêjîmê li ser miletê Sûrî kirin, û bi hemû karînên xwe hêz û dirav û çek danê, li ser hesabê qûtê miletê Îranî piştgiriya Rêjîmê kirin. Lê belê kî ji miletan pê ve dibe qurbanî, ew miletên ko doza azadî û rûmeta xwe dikin.
Elmalih diyar kir ko Rêjîma Îranî mezheb ji bo xizmeta tumayên Xumeynî bikar tîne. Her wiha hemû samanên welat ji bo xizmeta projeyê wî yê kontrolkirina tevaya Herêmê û têwerdanê bikar aniye. Şerekî tund dikin dijî çi kesên ko ne mîna nerîna wan diramin yên ko baweriya wan bi wilayet Elfeqîh nayê. Hem jî Komek ji Melayên bi kîn û nifret li dijî hemû miletan çê kirin. Bi ewê jî Îran bû dewleteke Tiyoqratî ko tiroristiyeke hundirîn û yek jî sînoran derbas dike çê kiriye.
Jêder: Hevbendî
