Sikirtêrê giştî yê Hevbendiya Niştimanî ya hêzên şoreş û rikberiya Sûriyê Nezîr Elhekîm ber bi Sol ve diçe, ji bo beşdariyê di kongirekî navdewletî de der barê gefa çekên komelkuj li ser Asiya û Oqiyanosa Basifik de bike, ku wê di roja çarşembê (17’ê gulanê) de bi armanca gengeşekirina metirsiya çekên kîmyayî û biyolocî di şer û hevrikiyan de lidar bikeve.
Sedema giringiya beşdariya Hevbendiyê di vî kongirî de ew e, giringiya pêşkêşkirina rewşa tawankariyên rijêma Esed yên ji şeş salan ve li ser Sûriyê tên sepandin, ku Rijêmê şerê xwe yê têde çekên ji rêzê bikar tanîn, veguhest bo bikaranîna çekên komelkuj û ne ji rêzê û qedexekirî mîna çekên kêmyayî û gaza sarîn û kilorê û bombeyên napalim.
Û hêjî tawananên rijêma Esed berdewam in, hevdem ligel têkşikestina civaka navdewletî di rawestandina kuştina ku ji aliyê rijêma Esed ve dibe, her weha di rawestandina bikaranîna wê ji çekên kîmyayî û çekên qedexkirî re ji aliyê navdewletî ve, tevî ku Rijêmê gotibû ku wê cebilxaneya xwe ya kîmyayî radest kiriye bi çavdêriya Amerîka û Rûsiyayê, lê di dawiyê de xuya bû ku hêjî çekên kîmyayî di dest de hene, û di çarê nîsanê de gaza sarîn li dijî xelkê Xanşîxon li gundewarê Idlibê bikar anî, û têde nêzîkî 100 kesî hatibûn kuştin û 400 sivîlên din birîndar bibûn.
Jêder: Ofîsa Ragihandina Hevbendiya Niştimanî
