Hin endamên Hevbendiya Niştimanî ya Sûriyê û desteya bilind ya danustandinan, hevdîtinek bi rêka enternêtê ligel serkirdeyên taxa Berza Şamê pêkanîn, û herdu aliyan tekez kirin ku rijêma Esed hêjî tawanên şer li dijî sivîlan pêk tîne, nemaze hewlên wê yên vê dawiyê ji bo koçberkirina neçarî li taxa Berzê.
Suhêr Etasî endema desteya bilind ya danustandinan diyar kir ku wê bêhtir bal bête kişand li ser mijarên mirovî û kiryarên koçberkirina neçarî di hevdîtina şanda danustandinkar de ya ligel Stîvan Dî Mestora şanderê navdewletî yê karubarê Sûriyê, û dît ku oparesyonên dorpêçkirinê û birçîkirina welatiyan yên ji aliyê hêzên Esed û milîsên Îranê dibin, ew tawanên şer û binpêkirina yasa mafê mirov ya navdewletî ne.
Li aliyek din, berdevkê desteya bilind ya danustandinan Salim Elmislit tekez kir ku şanda danustandinkar hewl dide ji bo balê bikişîne ser tawanên ku ji aliyê rijêma Esed di derheqê sivîlan de dibin, û di serî de kiryarên koçberkirina neçarî û guhertina demografîk, û got ku “koçberkirina neçarî tawanek mezin e û em ê balê bikişînin ser vê mijarê, û şanda danustandinkar wê guhdanê bi vî alî û bi tewerên mirovî bike û bi taybetî koçberkirina neçarî”.
Ji aliyê xwe ve, serkirdeyê Berevaniya Sivîl li taxa Berzê (Abû Elcûd) got ku xelkê taxa Berzê daxwaza rûxandina rijêma Esed û bidestxistina mafên azdî û rûmet û demokrasiyê dikin, her weha daxwaza parastina wan ji milîsên mezhebperest yên Rêjîmê ew ji gelek regezan anîne ji civaka navdewletî kir.
Û balkişand ku 50 hezar sivîl di taxa berzê de dijîn, û daxwaza cêbicêkirina biryarên navdewletî kir, yên tekeziyê li ser rakirina dorpêçkirinê ji ser bajarên dorpêçkirî û gihandina alîkariyên mirovî dikin, her weha tekez kir ku operasyonên koçberkirinê bi kotekî û ne bi vîna xelkê dibin.
Jêder: Ofîsa Ragihandina Hevbendiya Niştimanî
