Hevbendiya Niştimanî ya Hêzên Şoreş û Rikberiya Sûriyê digel Encûmena Parêzgeha Helebê civiya ji bo pêşveçûnên meydanî û pêdiviyên bajêr gengeşe bike.
Serokê Encûmena Parêzgeha Helebê Mihemed Fedîla di civîna digel çend endamên Hevbendiya Niştimanî bi rêya programê “Skyp”ê doh, diyar kir ko Encûmen planek libal heye ji bo sivîlan biparêze. Û destnîşan kir ko Şoreşgeran çend malbat ji devera Projeya “1070 Avahî” piştî rizgarkirinê ber bi herêmên aram de birin.
Fedîla destnîşan kir ko li cem Encûmenê komîteyeke piştevaniyê heye, ji bo parastina deverên ko nû hatine azadkirin bike, û parastina avahî û fermangehên xizmetguzariyê, herwiha ew komîte kar dike ji bo veheweandina welatiyên ko ji bajêr derketine, û bal kişand ser wê yekê ko endamên Encûmenê kar dikin bo danîna planeke rêvebrî ji bo birêvebirina bajarê Helebê piştî rizgarkirinê.
Fedîla tekez kir ko berpirsyaretiya êş û azarên mirovahî li Helebê rêjîma Esed û hevalbendên wê hildigrin, û destnîşan kir ko rakirina dorpêçê ji ser bajarê Helebê, û berdana hêzên Esed yên mayî û milîsên ku li kêleka Esed şer dikin armanca qonaxa bê ye li cem şoreşgeran.
Ji aliyê xwe ve, Endamê Desteya Siyasî Hadî El-Behra dakokî li ser bidawîanîna êş û azarên sivîlan li Sûriyê kir, di rêya pêkanîna veguhestina siyasî ya temam, bêyî ku ti rol ji Beşar Esed û zilamên wî re di qonaxa veguhêz û paşeroja Sûriyê de hebe, û destnîşan kir ko pirsa hawarçûnê gelekî mezin e, û nemumkine bi awayekî aktîv bê pêkanîn, lê tenê di rêya pêkanîna veguhestina siyasî de pêk tê.
El-Behra tekezî li ser pêwîstiya hemahengiya di navbera hêzên siyasî û leşkerî de li Helebê kir, da ku bighên laşekî yekgirtî ku karibe armancên şoreşê bi bidestxistina azadî û rûmetê pêk bîne.
Emîndarê Giştî yê Hevbendiya Niştîmanî Ebdilîlah Fehed bal kişand li ser wê yekê ko berirsyaretiya alîkariya pêşkêşkirina pêdawistiyên gerek di stûyê Neteweyên Yekbûyî de ye, û tirsa xwe ji pêkanîna rêjîma Esed ji operasyonên koçberkirina welatiyan anî ziman.
Jêder: Hevbendî
