Serokê Hevbendiya Niştimanî ya Hêzên Şoreşê û Rikberiya Sûriyê Enes Elebde, tekez kir ko nabe danûstandin vegerin, eger Rêjîm di tawankariyên xwe de li dijî sivîlan berdewam be, bê ko çi hêz wî birawestîne.
Elebde dibîne ko biryara Desteya bala ya danûstandinan, doh, biryareke dirist e, û hîç nabe di danûstandinan de berdewam bin û çav ji binpêkirinên Esed bigirin. Hem doza vekolîneke Navdewletî di tawankariyên Esed û binpêkirinên wî ji agirbestê re kir.
Ev di bargehê Hevbendiyê de di kongirê Rojnamevanî de îro piştî nîvro got. Elebde berdewam kir û got ko Rêjîma Esed doh agirbest binax kir, bi kuştarên hovane yên ko li Heleb, Idlib û Gundewarê Şamê kirin. Rêjîmê di 53 rojên agirbestê de, bêtir ji 2200 binpêkirinan kirine, û hemû jî libal Encûmena Ewlekariyê belgehkirî ne.
Elebde destnîşan kir ko pêlangêriya navdewletî der barê evan kuştarên Rêjîmê li dijî sivîlan heye, bi teybetî kuştarên doh ko 108 sivîl hatin kuştin, bê ko pirotestokirinek ji aliyê dewletan bibe.
Serokê Hevbendiyê got: “me rêveçûna xwe bi nûnerên hevalên Gelê Sûrî re, ji bo danûstandinan dest pê kir, û nuha Gog li aliyê Civaka Navdewletî ye, ko ji me ve xuyaye ne jidil in der barê biryara 2254”.
Serokê Hevbendiyê tekez kir ko em hîç pêşinyar an ramanên ko Esed an tawankarên Rêjîmê li ser desthilatê bihêlin napejirînin, çarenivîsa wan ya xwezayî ko ew wek tawankarên cengê dadgeh bibin
Elebde got ko çareseriya li Sûriyê leşkerî û siyasî ye, û nabe em li ser çareseriyeke siyasî bipeyivin bê ko zemînek jê re hebe. Û got vegereke nêzîk li danûstandinan nabe eger Esed di binpêkirinên xwe de berdewam be, Rêjîma ko dixwaze her çareseriyê li Sûriyê têk bibe.
Jêder: Hevbendî