Rêxistina Hevkariya Îslamî, bi tundî lidarxistina civîna hikûmeta Îsra’îlê li Colanê û daxuyaniyên serokê Hikûmeta dagîrkariyê ku ” Bilindahiyên Colanê wê hetaheta bidest Îsra’îlê bimîne” şermezar kir, û da zanîn ku wek van kar û daxuyaniyan metirsiyê gur dikin û dibe beramberiyek eşkera li dijî dad û yasa navdewletî.
Sikirtêrê giştî yê rêxistina hevkariya Îslamî, Îyad Emîn Medenî ragihand, ku rêxistina hevkariya Îslamî wê civînekê ji nûnerên dewletên endam di rêxistina hevkariya Îslamî re lidar bixe ji bona gengeşekirina daxuyaniyên Îsra’îlê derbarê Colana Sûriyê ya dagîrkirî.
Û tekezî li ser helwesta rêxistina hevkariya Îslamî kir, ku bilindahiyên Colanê qadek Erebî ya Sûriyê dibîne, hevdem tekezî li ser helwesta hevbeş ya rêxistinê kir, û daxwza bidawîkirina dagîrkariya Îsra’lî ji ser tevaya xaka Ereban ya dagîrkirî di sala 1967an de kir, û tevî Colana Sûriyê, û da zanîn ku berdewamiya heman dagîrkariyê dibe gef li ser ewlehî û aştîyê li navçe û cîhanê .
Herwiha Komkara Erebî jî biryara bestina civîneka awarte da, li roja pêncşemê li ser daxwaza Kiwêtê, ji bona “standina helwesteka Erebî ya yekgirtî li hember pêgavên gurkirina Îsra’îlê derbarê Colana Sûriyê ya dagîrkirî”, û ev yek li ser zarê Ehmed E’bdulrehman Elbekir, nûnerê Kiwêtê yê hertimî di Komkara Erebî de hat.
Hêjayê gotinê ye ku berdevkê desteya bilind ya danustandinan, Riyad Ne’isan axa, da zanîn ku daxuyaniyên serokwezîrên Îsra’îlê Binyamîn Netenyaho yên dibêje ku “Em dest ji bilindahiyên Colan bernadin” berovajî dada navdewletî ye, hevdem tekez kir ku “Colan Sûrî ye û wê hetaheta Sûrî bimîne “.
Ne’isan tekez kir ku dagîrkariya Îsra’îlê nikariye baweriyê bi tikesî re çê bike, ” heta jêre bêje ku ez xudanê beşa hatî-dizîn im ji qada Ereban bi rêka êrîşên berdewam”, û cext kir ku cîhan tev dizane ku colan beşek ji Sûriyê ye”.
Jêder: Hevbendî + Wekalat
