Hejmarekê ji hêzên navdewletî komelkujiyên rêjîma Esed û pirkirina wî ji kuştina sivîlan re û binpêkirina wî ji Agirbesta Rawestandina Karên Dijminkarî re şermezar kirin. Û bi taybetî şermezarkirina komelkujiyên Esed li Idlib,Heleb û gundewarê Şamê, ji ber ku firokên cengê yên Esed 2 bazargehên gelêrî li her yek ji Me’eret Elnu’iman û Kefrunbul roja sêşemba bûrî armanc kiribûn, di encamê de zêdî 50 kesî jiyana xwe ji dest dan û bêtir ji 100ên din birîndar ketin, tevlî bombebarankirina taxa Selaheddîn li Helebê û Bala li gundewarê Şamê.
Û şanderê Amerîka yê taybet bo Sûriyê, Maykil Ratnî got:” ev armanckirina sivîlan şêweyekî kirêt e, ji şêweyên bikaranîna Rêjêmê ya pir ji hêzê re, û ev binpêkirin e ji pabendiya wî bi agirbestê re”. Û Ratnî di daxuyaniyeke xwe de gotibû:” em berdewam in di handana Rûsiya de ji bo garantiyê pabendiya Rêjîmê bi agirbestê bide, û armanckirina sivîlan divê yekser raweste – ew daxwaza ku her û her girûpa navdewletî ji bo piştgiriya Sûriyê dike”.
Û nûnerê Birîtanya yê taybet bo Sûriyê, Gars Baylî, dît ku bombebarankirina sivîlan ji aliyê Rêjîma Esed binpêkirine ji yasaya navdewletî re, û daxwaza berdewamiya rêzgirtina Agirbestê kir ji bo pêşxistina Danûstandinan.
Her weha Ferensa dilgiraniya xwe anî ziman derbarê êrîşên Rêjîmê li ser sivîlan li Sûriyê, û diyar kir ku berdewamiya rêjîmê di kuştinê de tekeziya” redkirina wî ji çareseriya siyasî re ye”.
Û ferensa tekez kir ku êrîşkirina bêserûber li ser sivîlan, binpêkirineke eşkera ye ji yasaya mirovî ya navdewletî re, û ji rêjîmê xwest ku wan êrîşan rawestîne û têkeve qonaxa veguhestina siyasî de, li gor beyana Cinêv, û dema di biryara 2254 de ya ji Encumana Ewlekariyê ya bi ser NY ve, hatiye destnîşankirin.
Serokê Hevbendiya Niştimanî ya hêzên Şoreş û rikberiya Sûriyê Enes Al’ebde, tekez kiribû ku danûstandin çênabin di dema ku rêjîma Esed berdewam e di tawanên xwe de, bê ku tu kes sînoran jê re deyne. û dît ku biryara ji desteya bilin ya danûstandinan derket di cihê xwe de bû, û em nikarin çavên xwe ji bipêkirinên esed bigirin û danûstandinan berdewam bikin, û daxwaza komîteke vekolînê ya navdewletî kir, der barê tewanên Esed û binpêkirinên wî ji agirbestê re.
Ev gotinên Al’ebde di kongireyekî rojnamevanî de li baregehê Hevbendiyê hatin, û Al’ebde got ku rêjîma Esed roja sêşemê agirbest binax kir, bi komelkujiyên xwe yên hovane li Idlib û Heleb û Gundewarê Şamê , rêjîmê di 53 rojên Agirbestê de, zêdî 2200 binpêkirinan pêk anîne, û tevde belgekirî ne û ji bo Encumena Ewlekariyê hatine pêşkêşkirin.
Jêder: Hevbendî
