Êrîşên li ser bajarokê Hur Binefse ko li Gundewarê Hemayê yê Başûr dikeve ev roja pêncan ji peymana aramiyê û hêj nerawestiyane. Bi dehan êrîşên asmanî hatine tomar kirin, hem jî digel wan bombebarana topê û ya Mûşekan piraniya taxên bajêr amanc kirine.
Endamê Hevbendiya Niştimanî ya Hêzên Şoreşê û Hevrikiya Sûriyê Semîr Nişar diyar kir ko ji bil roja yekem pêvajoya derandinan zêde bûye, wisa tê xuyakirin ko istiratîciyeke leşkerî libal Rêjîmê û Rûsya heye dixwazin hêzên Islamî yên navçe û Artêşa azad di dema aramiyê de amanc bikin.
Nişar berdewam kir berdewamiya derandinan dê Operasiyona siyasî têk biçe, doz li Netewên Yekbûyî kir çimkî ew çavdêra peymanê ye ko li derandinên Esed û Rûsya yên dubarekirî binere û li himber bêdeng nemîne û pêrabênên xwe yên pêdivî bike da wan birawestîne, û pêvajoya Operasiyona siyasî biparêze, ew dê bihêle derfet li ber têketina danûstandinên jidil dako çareyeke siyasî li gora daxuyaniya Cinêvê û hemû biryarên navdewletî bête dîtin, ko dê Desteyeke Desthilatdariya veguhêz bi hemû karûbarên cîbicîkirinê ji wan jî yên serokê komar damezirînin.
Endamê Hevbendiya Niştimanî Yasir Elferhan destnîşan kir ko gerek Civaka Navdewletî jibîr neke ko rêjîma Esed ya diktator ewê Sûriyê gihandiye evê astê. Bal kêşand ser ko Rêjîm çareseriya siyasî ya ko mafê gelê Sûrî di azadî û rûmetê de misoger bike ew naxwaze. Hişyarî da dê Rêjîm aramiyê têk bibe bi behaneya Rêkxistinên tirorist yên ko ewî ew çê kirine û hema ew di pişta Şoreşê de xincer bûn.
Jêder: Hevbendî