Berpirsekî Hevbendiya Niştimanî ya hêzên şoreş û rikberiya Sûriyê xuya kir ku rêjîma Esed li ser pilaneka pêrewkirî diçe ji bona koçberkirina xelkê ji derdora Şamê bi armanca pêkanîna guhertina demografîk û dabeşkirina welat li ser binaxekî tayîfegerî.
Xetîb Bedlê, endamê Hevbendiya Niştimanî, koçberkirina neçarî ya xelkê Dareya dibin gefên qirkirinê de şermezar kir, ku di heyvên bûrî de, rêjîmê êrîşên xwe bi bermîlên teqîner û napalim zêdetir kirine û gelek zeviyên xelkê hatine şewitandin û herwiha bi carekê rê li pêş derbaskirina alîkariyên mirovî li nav bajêrê hatine girtin, û ji çar salan ve ji aliyê milisên tayifeperist ve dorpêçkirî ye.
Bedlê tekez kir ku her pirojeyekî parçekirina welat wê bi ser nekeve, û wê îradeya gelê Sûriyê li hember wî derkeve, ji ber xelkê Sûriyê bi hîç awayî parçekirina welat û gel qebûl nake.
Li aliyekî din, Fadî Mihemed berdevkê Encûmena Xwecihî ya Dareya, cext kir ku “Stîvan Dîmestora, şanderê navdewletî yê taybet bo rewşa Sûriyê, tevî ku ew bi xwe agihdar e bi rewşa li Sûriyê dibe, û herwiha Encûmena me agahiyên rûdan û bûyerên bajêr yek bi yek ji wî re dişîne”, bal kişand ku “daxuyaniya duhî ya roja înê, ya wî derxistî, têde hewl dide xwe ji berpirsyaretiya parastina xelkê Dareya yên hatine koçberkirin ji malên xwe li ser destê rêjîmê bide alî”.
Fadî diyar kir ku “NY û Dîmestora bi awayekî taybet, berpirs in di ber wan sivîlan de yên rêjîm bi raguhestina wan bo navçeyên dibin destê xwe de li gundewarê Şamê radibe, ji ber ku herdu aliyan bersiva bangewazî û daxwazên berdewam ên encûmena xwecihî nedan, bangên di dema binpêkirina agirbesta karên dijminkarî ji aliyê rêjîmê ve, û desteserkirina zeviyên cotyaran û wêrankirina nexweşxaneya tak û bitenê li bajêr, û armanckirina bajêr bi napalim û bombeyên qedexekirî”.
Herwiha Fadî bal kişand ku “fermanberên NY û şandek ji Xaça sora navdewletî agehdar bûn bi danustandinan, û wan bi xwe çavdêriya piroseya raguhestinê kirin, anku ku NY amade bû lê dixwaze xwe bide paş ji berpirsyaretiya parastina xelkê hatî koçberkirin bi çavdêriya wê “, û dazanîn ku “hîç rê neman li pêş xelkê Dareya, û bi neçarî ji bajarê xwe derketin”, û amaje kir ku “Rêjîmê gefên qirkirinê li xelkê dixwarin, bi agehdarbûna herdû çavdêrên piroseya danustandinan Rûsiya û Amerîka, “.
Ku îro barhilgirên rêjîmê 400 kes ku ji şervanan û xêzanên wan pêk dihatin ji bajêr veguhestin ber bi parêzgeha Idlibê, herwiha nêzîkî 700 kesê sivîl bi barhilgirên rêjîmê hatin raguhestin ber bi navçeyên dibin destê rêjîmê de li bakurê rojavayê Şamê, di rêkeftinekê de ji bona valekirina bajêr ji xelkê.
Jêder: Hevbendî + Elerebî Elcedîd
