Hevbendiya Niştimanî ya Hêzên Şoreşê û Rikberiya Sûriyê tekez kir ko giring e alava peymana agirbestê kartêker bibe û aliyên berpirsiyar eşkere bibin û bêne sizakirin, li ser bombebarana li ser taxa Elwer li Humsê çêbû, di heman çaxî de rêkxistineke mafnasiyê eşkere kir ko hilîkobterên rêjîmê 634 bermîlên teqîner di heyva buhûrî de berdane.
Milîtanên Beşar kuştarek li taxa Elwe’ir ya Humsê çêkir, di encamê de 11 sivîl tevlî sê zarok û sê jinan hatin kuştin, û bi dehan birîndar bûn. ew kuştar roja çarşembê ji hêla firokên rêjîmê, û topên wê li ser taxa Elwe’r ya dorpêçkirî çêbû.
Hevbendiya Niştimanî di daxuyaniya xwe ya îro de got: “kuştar binpêkirina agirbestê ye, ya ko bi rêkeftina Tirkiya û Rûsya çêbû û ew çavdêriya wê dikin”
Berê jî taxa Elwe’ir ketiye ber dijminkariyekê û têde herêmên niştecihan hatin amanckirin, ji encamê çend kes şehîd ketin û hin sivîl birîndar bûn û mal wêran bûn.
Her weha Toreya Sûriyê ya mafên mirovan di raporta xwe de ya îro pêncşembê diyar kir ko firokên rêjîmê 634 bermîlên teqîner di heyva buhûrî de bi ser taxên niştecihan de li herêmên rizgarkirî berdane ko ew jî ji herêmên agirbestê bûn, destnîşan kir ko “hêj bombebarana bi bermîlên teqîner her ew e.”
Hevbendiya Niştimanî di daxuyaniya xwe de berdewam kir û got” Rêjîm bi piştgiriya hevalbendên xwe siyaseteke tawankarî dimeşîne , armanc jê kuştin, koçkirin û wêrankirin e, bê ko çi rêzê li peymana agirbestê bigire, û di xewnekê de ye ku ew bi pêkanîna tawankariyan kare viyana şoreşê li bal miletê Sûrî bikuje.”
Daxuyaniyê bal kêşand ser “Ev kuştar jî binpêkirin e ji agirbesta ko Tirkiyê û Rûsya çavdêriya wê dikin, ji lewre gerek dîsa giringiya kartêkerina alavên çavdêriya agirbestê bête tekezkirin, û aliyên berpirsiyar aşkere bikin û pêrabûnên ko karibin nema dubare bibe bikin.”
Jêder: Nivîsgeha Ragihandinê ya Hevbendiya Niştimanî
