Hevbendiya Niştimanî ya hêzên şoreş û rikberiya Sûriya kuştara milîsên Esed ya duhî di roja yekşemê (15 çilê paşîn) li dijî xelkên gundê Dêrqanûn li navçeya Wadî Bereda ya dorpêçkirî ya ku têde 15 şehîd ketin û bi dehan ji xelkê gund birîndar bûn şermezar kir.
Kuştar hat pêkanîn piştî ku komeka xelkê gund bi tankeka hêzên Esed hat armanckirin, piştî ku xelkê gund reviyabûn bo cihekî qaşo hêmin bû, dema hewl hewil didan xwe ji mûşek û bermîlên teqîner ên rijêma stemkar û milîsên terorîst yên hevalbendên wê bikartînin di çarçoveya hilmeta guhertina demografîk ya navçeyê de rizgar bikin.
Û Hevbendiya Niştimanî îro di daxuyaniyekê de tekez kir ku pêwîst e aliyên gerantîkar ên agirbestê bi erkê xwe rabin li hember her binpêkirineka li ser rêkeftinê dibe, tevî terorkirina serokê şanda danustandinan, yê ji aliyê xelkê dorpêçikirî li Wadî Bereda, ceneralê xanenişîn, Ehmed Elxediban, bi destê milîsên hizibulah. Û tê zanîn ku nekêmtir ji 350 binpêkirinan di heyamê 15 rojan de her ji roja destpêkirina agirbestê û heta niha hatine belgekirin.
Herwiha Hevbendiyê di daxuyaniya xwe de got: Ji civaka navdewletî tê xwestin ku kar ji bo rawestandina êrîşên Rijêmê û yên milîsên Îranê yên terorîst bike, û her weha rawestandina binpêkirinên berdewam yên ji aliyê wan li ser biryarên navdewletî dibin, û herwiha yên li ser rêkeftina agirbesta dawiyê. Û xwest agirbestê biparêze bi rêka bikaranîna fişarên rasteqîn, ji bo bibe fakter bo pêkanîna çareseriya siyasî ligor daxuyaniya Jinêv 1 û biryarên encûmena asayîşê yên pêwendîdar.
Jêder: Nivîsgeha Ragihandina Hevbendiyê
