Berdevkê fermî yê Hevbendiya Niştimanî Sûrî Salim Elmislit got ku Hevbendî li hêviya bersiva Desteya Hevrêziya Niştimanî ye li ser yadnameya têgihiştinê ya ku Hevbendiyê Sêşemba bûrî 13 Çileyê Paşîn 2015an şand ji bo berî hevdîtina Qahirayê ku di dema bê de wê lidar bikeve li ser bê emzekirin.
Têgihiştinê tekez kir ku avakirina sîstemek dimuqratî pirnetew li Sûryayê ku bihêle desthilat bi awayekî aştiyane were veguhestin nabe ger ne bi dawîkirina zordariyê û guhertina rejîma siyasî bi awayekî giştî ji kokê de tevlî simbolên rejîmê û alavên wî yên ewlehî be. Mislit weha jî got : wê cihê serê rejîma niha û her kesê ku bûn sedema tawanan derheqê milletê Sûrî tune be.
Herweha yadnameya têgihiştinê behsa bingehgirtina daxuyaniya Cinêvê û biryarên Encumena Ewlehiyê derbarî rewşa Sûriyê bo çareseriya siyasî li Sûryê û çarçoveyek ji danustendinê re bi çavdêriyek navdewletî kir. Têgihiştinê han da li ser alîkariyê bo lidarxistina hevdîtinin şêwirdarî niştimanî ji Hevrikiya Sûrî re mîna destpêkekê bo lidarxistina kongirekî niştimanî giştî, herweha pêkanîna komîtekê ji her du aliyan bo berdewamiya diyalokê di navbera wan de.
Mislit diyar kir ku ev têgihiştin nûnertiya nerînên şoreşê ên ku milletê Sûrî destnîşan kirine dike, û ne ji mafê Hevbendiyê ye ku van nerînan buguher yan bi wan bilîze
Mislit zêde kir ku Hevbendiyê ramanên vê têgihiştinê piştî şêwirdariya bi hêzên şoreşgerî , leşkerî, û encumenên xwecihî destnîşan kirine, bo encamdana helwesteke hevbeş ku bikeve xizmeta armancên şoreşa Sûrî, û tekez kir ku ta niha tu şand bo çûna Qahirayê nehatiye destnîşankirin.
Mislit bal kişand ser ku Hevbendî dibîne yekgotina bi pêkhatiyên hevrikiyê re di çarçoveya nerînên şoreşê ku ew erkek niştimanî û giring e bo bidawîkirina rejîma Esed û destêkrina qonaxeke veguhêz ku xwestekên milletê Sûrî di azadî û dimuqratiyê de pêk tîne.
Jêder: Hevbendî
