Desteya siyasî ya Hevbendiya Niştimanî Ya Hêzên Şoreş Û Rikberiya Sûriyê, bi serokatiya Ebulehed Êstêfo cîgirê serokê Hevbendiyê û bi amadebûna serokê şanda bilind ya danistandinan Nesir Elherîrî, duhî li roja pêncşemê li Stembolê, ligel nûnerên dewletên dostên gelê Sûriyê kom bûn, ji bo gengeşekirina rojeva gera yekê ji danustandinên Cinêv4 û pêşhatên piroseya siyasî.
Û di civînê de şirovekirina şanderê navdewletî Stîvan Dî Mestora ya şeva din li pêş encûmena asayîşê hat behskirin, û Elherîrî tekez kir ku şanda desteya bilind “bi rijdî beşdarî di danustandinan de kir bi niyazê pêkanîna veguhestina siyasî ligor daxuyaniya Cinêv1 û biryarên encûmena ewlekariyê, ji bo pêkanîna aştiyê li Sûriyê ligor armanc û daxwazên gelê Sûriyê”.
Elherîrî heza şandê diyar kir li ser “gengeşekirina wirdekariyên piroseya veguhestina siyasî û dijberiya tawanên şer û terora sînorbirr û terora dewletê, û danîna destûreka nû bo welat û encamdana helbijartinên pak û azad ji bo pêkanîna veguhestina siyasî û dirustkirina desteya hikumraniya veguhêz ya bi bi tevaya desthilatdariyan”, û bal kişand ku ev yek berovajî desthilatdariya Bişar e ya ” bi kotekî bi desthilatê girtiye û rojane kiryarên kuştinê û tawankariyan zêde dike û naxwaze desthilatê veguhêze û welat ber bi seqayên azadî û demokrasiyê biçe”.
Û Elherîrî hişyarî da li ser hewlên Rijêmê bo berbestkirina piroseya siyasî û hewlên berdewamiya diyalogên bêdawî” û daxwaz ji NY kir ji bo “standina biryarên destnîşankirî ji bo neçarkirina Rijêmê li ser danustandinên rastîn û bidawîkirina hewlên pênekanîna daxwazên navdewletî”.
Ji aliyê xwe ve, nûnerên dewletên dost destxweşî li opozisyona Sûriyê kirin li ser rola wê ya erênî di geşta danustandinan ya dawiyê de, û herwiha li ser hevkariya wê ligel NY li ser pêkanîna biryarên navdewletî û nemaze herdu biryarên 2118 û 2254.
Herwiha piştgiriya xwe ya berdewam bo gelê Sûriyê tekez kirin, ji bo bidestxistina azdî û rûmetdariya xwe û avakirina dewleteka demokratîk bi parastina mafên sercem welatî û pêkhateyên wê.
Jêder: Ofîsa Ragihandina Hevbendiya Niştimanî