Hevbendiya Niştimanî Bo Hêzên Şoreşê û Hevrikiya Sûrî bihêzkirina asta kuştinê ku êrîşên Rûsî di demên dawî de li ser wargehên Artêşa Azad û deverên di bin kontrolkirina wî de ji wan jî sûk, nanpêjgeh, û avahiyên sivîlan rêbaz digire şermezar kir, û dît ku ev êrîş tundrewan li dijî şoreşgeran bihêz dike.
Di nameyekê de ku nûnerê taybet yê Hevbendiya Niştimanî di Netewên Yekbûyî de Necîb Xedban ji nûnerê herdemî yê Emirika li gel Netewên Yekbûyî Samansa Bawer ku vê heyvê serokatiya Encumena Ewlehiyê dike destnîşan kir ku bumbebarankirina azmanî ji hêla êrîşên Rûsî li ser deverên ku di bin kontrola Artêşa Sûrî ya Azad li Bakurê Rojavayê Sûryayê bihêztir bûye, ku ew jî binpêkirineke diyar e ji yasaya navdewletî û biryara Encumena Ewlehiyê nemre 2139 ya sala 2014an e.
Xedban got êrîşan roja Yekşemê 29ê heyva Mijdarê piştî ku firokeyên Rûsî yên cengî sûkek xwecihî û nanpêjgehek li Erîha li Gundewarê Idlibê bi awayekî tewşe armnac kirin, bêtir ji 40 sivlî kuşt û bi dehan birîndar bûn, ku jin û zarok jî di nav kuştiyên bêguneh de hebûn, û diyar kir ku vê yekê ziyan gihandin enbara xwarinê a ku Desteya Hawarçûna Mirovahî wê bi rê ve dibe û xizmeta mişextan dike, di encamê de peydakirina nan ji bêtir ji 45 hezar kesî re rojane rawestiya.
Xedban bal kişand ku êrîşan Erîha “20 KM dûrî sînorê Tirkî” armanc kir, li deverekê ye ku hebûna Daiş lê tune ye, û tu xak di bin destên wan de tune ye.
Xedban diyar kir ku derbên li ser Erîha mîna hemû êrîşên Rûsî armanca wan ne bidawîkirina DAIŞ bû, lêbelê armanca wan tirorkirina şoreşgeran, kuştina kesên bêguneh, û cezayek giştî ji wan re bû.
Xedban herweha tekez kir ku êrîşên Rûsî li ser Sûryayê tewş û ne rewa ne, û dighên asta Tawanên Cengê, û berdewam kir ku di du heyvan de, ji destpêka êrîşên azmanî yên Rûsî li hemû perçeyên Sûrî, û li gor toreyên mafnasî bêtir ji 400 sivîlî, ku 69 ji wan zarok in, û 97 jin hatin kuştin, û hindek ji hêzên çekdar ku Rûsya ew kuştine ji tiroristên Daiş in, lê ji hêleke dî ve piraniya wan ji Artêşa Sûrî ya Azad in.
Xedban tekez kir ku destwerdana Rûsî di Sûryayê de binpêkirinek ji yasaya navdewletî re ye, û pêveka wê ya duwem a peymana Cinêvê û biryara Encumena Ewlehiyê nemre2139 re ye, ku ji hemû aliyan rawestanek yekser ji êrîşên ser sivîlan, û bikaranîna tewşe ji çekan re li deverên avahiyê û di nav de jî bumbebarankirina azmanî dixwaze.
Xedban di nameya xwe de ji bo Encumena Ewlehiyê bal kişand ser ku Rêxistina Daiş têk naçe, ji ber bumbebarankirin li Sûryayê berdewam e, û ji bo danustendina bi awayekî aktîv û gihiştina serastkirinek siyasî ku Sûrî pir hewcedarî wê ne, divê endamên Encumena Ewlehiyê karê bêwestan ji bo şermezarkirina bumbebarankirina azamanî a tewşe ji hêla Rûsya ve li ser devern sivîlan bike, herweha diyar bikin ku divê Rûsya bikaranîna hêzê bi awayekî tewşe rawestîne, yan wê têkeve ber lêpirsînê de, herweha divê parastina sivîlan di operasyona siyasî de misoger bikin, û deverek bêbumbebarankirin ferz bikin, û kujerê sivîlan yê yekem ku ew jî bumbebarankirina azmanî ya tewşe ji hêla Esed û Rûsya ve rawestînin, û li xelkên Sûrî ku operasyona siyasî bo Sûrya ku li Viyêna lidarket hatine dûrxistin guhdar bikin.
Nameyê diyar kir ku êrîşên wek yên Erîha bûne tiştekî normal, şermezarkirina giştî jê re di Civaka Navdewletî de tune ye, û ne tevgerek giştî jî, û tenê di nav nûçeyên navdewletî re derbas dibe.
Xedban nameya xwe wisa bidawî kir:” Dem hatiye ku ev bêdengî bidawî bibe, dem hatiye ku sivîl werin parastin, endamên Encumena Ewlehiyê dikarin vê yekê peyda bikin, û dema wê jî hatiye”.
Jêder: Hevbendî
