Hevbendiya Niştimanî Ya Hêzên Şoreş Û Rikberiya Sûriyê, tekez dike ku rêjîma Esed û Rûsiya agirbesta ku ji berê de sist bû dikujin, bi kuştarên xwe yên kirêt yên ku li Helebê pêk tînin, û vî karî dibîne ku tewaneke cengê ya eşkere ye.
Û di duyemîn civîna Desteya Giştî Ya Hevbendiya Niştimanî de, îro înê, cîgirê serokê Hevbendiyê Miwefeq Nêrebiyê li pêşiya endamên desteya giştî diyar kir ku şanderê navdewletî Stîvan Dî Mestora salixa ketwara rêkeftina Rawestandina Karên Dijminkarî, di rapora xwe ya li pêşiya Encumana Ewlekariyê da û got ku ew di”metirsiyak mezin de ye” û hewcedariya wê bi” çareseriyek xurt” heye, berî hatina dema destpêkirina gera nû ya danûstandinan, û nîşan da ku” Rêjîma Esed û Rûsiya guleya dawî berdan wê agirbesta ku ji berê de, ji destpêka wê de, rojekê tenê jî aramî tê de tune bû”.
Û weha da pirsîn”çawa emê karibin behsa nêzîkbûnek siyasî bikin di nava vê tewankariya bi şêweyek zikreşî û rêbazkirî der haqê xwîna Sûriyan dibe?!.
Û axaftina xwe berdewam kir û got:”divê civaka navdewletî bizane ku bêdengiya wan derbarê van komelkujî û binpêkirinan, wan jî dike berpirs û divê encamên wê û barê tiştên li pey xwe bihêle hilgirin, ji ber ku ev bêdengiya derbarê tewanên Esed DAIŞ anî hole, û wê hişt teror li cîhanê balav bibe, û qeyrana penaberan û sosreta wan çêkir, û çareseriya siyasî xist vê astengiya tarî de, û alîkariya rêjîmekê kir di pêkanîna kirêtirîn tewanên dîroka hemd de der heqê gelê Sûriyê”.
Jêder: Hevbendî
