Li tevahiya Sûriyê û her ji destpêka ragihandina desteya bilind ya danustandinan ji helawîstina pişkdariya xwe di danustandinên Jinêv de di 18’ê nîsanê û heta roja 27’ê nîsanê, 504 kes şehîd ketine û para bêhtir ya Helebê bû, bi ketina 212 şehîdan, ku 57 zarok û 5 jin di nav de hebûn, û 5 kes dibin eşkencê de hatin kuştin.
Û hin çalakvanên bajarê Helebê diyar kirin ku êrîşên nû bi bombeyên valahiyê û yên weşîdar hatin encamdan, li aliyek din rêxistina “Xaça Sor a navdewletî” duhî di daxuyaniyekê de got, ku bajarê “Helebê piştî heftiyekê ji zêdebûna tundutîjîyê niha li ser keva bobilatek mirovî ye”.
Hêjayê gotinê ye ku rêxistina ” Pizîşkên bêsînor” di demeke berê de roja pêncşemê, armanckirina nexweşxaneya “Elqudis” li taxa Elsukirî li Helebê şermezar kir, û herwiha tekez kir ku “ew rasterast tûşî êrîşek esmanî bûye”, ku bû sedemê kuştina 14 kesan ji nexweşan û karmendên pizîşkî”.
Weha jî got: ” kuştina 3 pizîşkan bi kêmayî ji encama êrîşeka li ser nexweşxaneyekê li Helebê ya tê piştevanîkirin ji aliyê pizîşkên bêsînor, ku di nav de pizîşkê dawî yê zarokan li wê deverê hebû li wir hat kuştin”, û ligor rêxistinê ku nexweşxaneya Elqudis “Navenda serekî ya nexweşiyên zarokan bû, û têde 8 pizîşk û 28 birînpêç hebûn”, tevî odeyeka tengaviyan û yekîneyeka pir-çavdêriyê û odeyeka neştergeriyê, ku bi tevahî hate wêrankirin”.
Jêder: Hevbendî
