Xalid Xoca Serokê Hevbendiya Niştimanî ya Sûriyê, vexwendina Mosko bo encamdana “diyalogê di navbera opozisyon û rêjîmê de” wek derketinekê ji giyan û têkista daxuyaniya Jinêvê dît, ya ku di 30ê Hezîrana 2012an hat ragihandin ,herwiha derketin e ji biryara Encûmena Ewlekariyê ya hejmar 2118an, ku di herdu têkistan de behsa encamdana pirosêsa danûstandinê di navbera opozisyon û rijîmê de bi çavdêriya Netewên Yekgirtî û di hidur kongirekî navnetewî de hatiye kirin, û li ser bingeha veguhestina tevaya desthilatên cêbicêkar bo desteyeka fermanrewiya veguhêz li gor erêkirina herdu aliyan.
Herwiha Xoca got : pêwîst e pirosêsa danûstandina Siyasî di navbera opozisyon û rêjîmê de bi çavdêriya Netewên Yekgirtî û li jêr sîbera yasaya navdewletî û di dewleteka bêalî de bête şopandin, di heman demê de bal kişand ku awayên bicêkirina daxuyaniya Jinêvê û biryarên Encûmena Ewlekariyê yên pêwendîdar bitenê ew çarçoveya pirosêsa danûstandinê ne, û danustandin bi rêjîmê re divê berdewamiya Kongirê Jinêv 2 be, û ev çende di mada 17an de ji biryara Encûmena Ewlekariyê ya hejmar 2118an de hatiya, û şopandina danûstandinan ji cihê danûstandin lê hatine rawestandin anku ne ji destpêkê de.
Serokê Hevbendiyê amaje kir ku li gor têkista daxuyaniya Jinêvê, wê hevpeyvîna Niştimanî ya Sûrî wê bête encamdan piştî gihiştina rêkeftineke yekalîkirina siyasî, û li gor wê rêkeftinê wê qonaxa veguhêz bi avakirina desteyeka desthilata veguhêz destpê bike, ku ew deste wê tevaya desthilatdariyên cêbicêkar bi dest xwe ve bîne, û ji sereketirîn erkê wê desteyê kar ji bo amadekirina jîngeheka bêalî ye, ku têde ew diyaloga niştimanî di qonaxa veguhêz de bête encamdan, û ev çende di (mada 9-A, û mada 9-B) de ji daxuyaniya Jinêvê û mada 16an ji biryara Encûmena Ewlekariya Navdewletî ya hejmar 2118 de hatiye nivîsandin.
Ji aliyê xwe ve Xoca piştgiriya Hevbendiyê bo çareseriya Siyasî piştrast kir, û da zanîn ku hevbendiyê di reşnivîsekê de belgenameyeka yekalîkirina siyasî û nexşerêya çareseriya siyasî di sûriyê de destnîşan kiriye, ku ji 13 bendan pêkhatiye bo pêkanîna daxwazên şoreşê bi ladana Beşar Elesed ji desthilatdariyê û encamdana guherankariyeka bineretî di sîstema siyasî de bo pêkanîna dewleteka sivîl ya firealî.
Herwiha Xoca daxwaza piştgiriya pirosêsa diyaloga Sûrî- Sûrî kir di navbera aliyên opozisyonê de ku ev demeke Hevbendiyê destpê kiriye û pêngavên mezin têde avêtine, ku hin ji wan hevdîtinan li Tirkiyê û li Misrê û li hin dewletên Erebî hatine encamdan û hêjî hevdîtin berdewam in û li ser daxwaz û arezûya hemû aliyan.
Jêder: Hevbendî
