Enes El’ebda Sikirtêrê desteya siyasî ya Hevbendiya Niştimanî ya hêzên şoreş û rikberiya Sûriyê got ku ragihandina helawîstina gotubêjên Jinêv ji aliyê Stîvan Dî Mestora navgînê navdewletî û nûnerê NY hat, bi sedema sûrbûna rêjîma Esed û redkirina wî ji bicihkirina herdu xalên 12 û 13 yên biryara 2254an, û ji aliyekê din carek din bêzariya navdewletî û nekarîna kartêkerina wê li ser rêjîmê û hevalbendên wê Rûsiya û Îranê, ku ev bi xwe baweriyê bi rastgoya Jinêv bi tevahî lawaz dike.
El’ebda rêjîma Esed û Rûsiya xist berpirsyar di ber têjşikestina Jinêv û astengkirina pêvejoya wê de, bi sedema serhişkiya rêjîma Esed ya xwînmij û tawankariyên Rûsiya li ser xaka Sûriyê, ku bitenê di van hersê rojên bûrî de 900 êrîşên esmanî li ser Sûriyê encam dan.
El’ebda weh jî got”opozisyon hat Jinêv, li ser binyatê pabendbûna NY bi neçarkirina rêjîmê li ser bicihkirina biryara 2254 û bi gerantiyên dewletên dost “, û hevdem pirsyar kir ” kesê nikaribe rêjîmê neçar bike li ser bicihkirina beşekî ji biryarekê – ku girêdayî ye bi rewşeke mirovî- wê çawa bikaribe çavdêriya piroseya veguhestina siyasî bike?!”.
Herwiha El’ebda rexne li hin dewletên dost kir ku xwe dikin şirovekarên sedemên têkşkestina Jinêvê , û bitenê helwestên nerazîbûn û şermezarkirinê standin, di dema ku em bi hêvî bûn ku kar û kiryaran bibînin ne gotinan bitenê.
Jêder: Hevbendî
