Şandê Hevbendiya Niştimanî ya Sûrî, serdana xwe bo Herêma Kurdistana Îraqê yaku sê rojan berdewam kir û têde şande bi rayedarên herêmê re hevdîtin li dar xistin bi dawî kir, û di civînan de giringtirîn doz û astengiyên li deverê û dawîtirîn pêşhatên siyasî û meydanî li sûriyê hatin behiskirin .
Û Şandê Hevbendiya Niştimanî ji Serokê Hevbendiya Niştimanî D. Nesir Elherîrî û Cîgirên Serokê Hevbendiyê Ebdulhekîm Beşar û Ruba Hebûş û Emîndarê Giştî Ebdulbasit Ebdulletîf û Hevrêzkarê Têkliyên Derve Ebdulehed Istêfo û Endamên Desteya Siyasî Mihemed Yehya Mektebî û Mihemed Silo û Yasir Elferhan pêk dihat.
Û Serdana Hevbendiya Niştimanî bi dilxweşiyeke mezin li ser asta fermî û raghandinê hate pêşwazîkirin, têde şandê Hevbendiyê hevdîtin bi Serok Mesûd Barzanî û Serokê Hikûmeta Herîma Kurdistanê Mesrûr Barzanî û rayedarin ji Perlemana Herêmê lidar xistin, û civînan giringî dan têkliyên baş li gel herêmê, û di hevdîtinan de li ser pêşwaziya Herêmê ji derdora 250 hezar penaberên sûrî re û giringtirîn astengiyên rastî deverê tên wek berdewamiya tewanên rijêma Esed û pirbelavbûna Îranê û Milîsên teroristî û Daiş û kiryarên Rêxistina PKK yên terroristî axivîn.
Û di serdanê de şandê Hevbendiyê hevdîtinên jihev cuda li gel Encûmena Niştiman ya Kurd li herêmê û Sendîkaya Mamosteyên Sûrî li Hewlêrê û Yekîtiya Hunermendên Sûrî û hejmarek ji nûnerên penaberên sûrî li Herêmê lidar xistin, û têde li ser rola Encûmena Niştimanî ya Kurd li deverên rizgarkirî axivîn, her weha giringiya hebûn û beşdariya Encûmen di rêvebirina xwecihî de, û li ser rewşa penaberên sûrî li Herêmê û rewşa xwendekar û mamosteyan û rêyên karê li ser çakkirina van rewşan axivîn.
Jêder: Ofîsa Ragihandinê ya Hevbendiya Niştimanî ya Sûrî
