Hevbendiya Niştimanî ya hêzên şoreş û rikberiya Sûriyê, tekezî li ser duristbûna biryara desteya bilind ya danustandinan ya der barê helawîsandina pişkdariya di danustandinên Jinêv de ya derbarê Sûriyê kir, heta pêkanîn û bicihkirina daxwazên mirovî yên hatîn di biryarên navdewletî de.
Di civîneke desteya siyasî ya Hevbendiyê digel endanên Hevbendiyê, yên beşdar di şanda danustandinkar de, sikirtêrê desteya siyasî yê Hevbendiyê Riyad Elhesen diyar kir ku biryara desteya bilind ya danustandinan durist bû, û got ku “rêjîm hemû biryarên navdewletî binpê dike, û pêwîst e mîkanizim bêne danîn bo dadgehkirina aliyê binpêker ji agirbestê re”.
Elhesen hişyarî da şanderê navdewletî bo karubarê Sûriyê Stîvan Dîmestora, ji berdewambûna danustandinan bê liberçavgirtina daxwazên ji aliyê desteya bilind ya danustandinan hatîn pêşkêşkirin, yên ji bona başkirina baredoxên mirovî bi rêka rawestandina bombebarankirinê û gihandina alîkariyên mirovî û serbestberdana girtiyan.
Elhesen bal kişand ku berdewamiya danustandinan li jêr bombebarankirina pêrewkirî ya ji aliyê rêjîma Esed li ser gelê Sûriyê û rêgirtin li gihandina alîkariyên mirovî ji bona navçeyên dorpêçkirî û redkirina serbestberdana girtiyan; ” wê bê berhem be, û herwiha wê encamên nerênî hebin û dibe bibe hokarê têkçûna pirosêsa siyasî”.
Jêder: Hevbendî
