Rêjîma Esed berdewam e di pêkanîna êrîşên leşkerî de, li dijî sivîlan bi hemû cûreyên çekan û li tevahiya deveran, ev yek tê wateya bidawîanîna agirbestê ji aliyê rêjîmê ve, û pabendbûna rêjîmê bi agirbestê ji destpêkê de sist bû, û êrîşên asîmanî her yek ji Heleb, Laziqiyê, Idlib, Hema û Gundewarê Şamê kirin armanc, û hejmara qurbaniyên Duh, 42 şehîd bûn li gor Komîteya Sûrî ya Mafên Mirovan, di nava wan de 9 zarok û 6 jin hebûn.
Herwiha balafirên cengê yên rêjîma Esed, ev roja sêyemîn e êrîşên xwe li ser taxên Saxûr, Sikerî, Salihîn, û El-Zibdiyê, Qirliq, Şe’ar, Miwaselat li Helebê berdewam dike, ku di encam de 12 şehîd li Saxûr , û 2 li taxa Miwaselat, û şehîdek li Salihîn, û Hilîkopterên rêjîmê bermîlên teqîner avêtin ser Benî Zêd û Eşrefiyê.
Hêzên rêjîma Esed bajarê Der’ayê bi rokêteke zemîn-zemîn nîvroja îro, kir armanc, di encam de kesek şehîd ket, û hejmarek welatî birîndar bûn di nava wan de zarok hebûn.
Herwiha balafirên cengê êrîşên asîmanî yên hembiz di rêya rokêtên xwedan hêzeke wêranker ya xurt birin ser hejmarek gundên li derdora Qezaya ‘Eqêrebat li Gundewarê Rojhilatê Hemayê, ku di encam de 6 welatî şehîd ketin di nava wan de zarok hebûn, û hejmarek birîndar ketin, û li Gundewarê Başûr hêzên rêjîmê rêya di navbera bjarokê Teqsîs û gundê Til Teqsîs bi bombeyên topxaneyê kirin armanc.
Hêzên Esed yên ku li Corînê bi cih bibûn, bajarê Cisir El- Şixûr bi rokêtên tijî gazên jehrî kirin armanc, ku di encam de 3ê haletên bêhinçikînê di nava sivîlan de peyda bûn, herwiha balafiran bermîlên teqîner avêtin ser bajarokê Filêfil li Çiyayê Şihşibo li Gundewarê Idlibê, û bajarokê Bidama rastî topbaraneke himbiz hat.
Di heman demê de, eniya bajarokê Kibîne li Çiyayê Kurdan li Gundewarê Laziqiyê, rastî topbaraneke hembiz hat, bi zêdetirî 40 êrîşan, herwiha dever rastî topbaraneke hembiz di rêya top û rokêtan de hat, wek hewildanekê ji hêzên rêjîmê ji bo kontrolkirina bajarok, lê şoreşvan di riwê wê hewildanê de rawestiyan, û ziyanên mezin gihandin hêzên rêjîma Esed û ew neçar kirin ku vegerin bi paş ve.
Herwiha hêzên rêjîmê bi topxaneya giran welatiyên sivîl li her yek ji bajarê I’rbîn, Zemelka li Xûta Şamê kirin armanc, û bajarokê Bala bi hejmarek ji rokêtên zemîn-zemîn kirin armanc,
Jêder: Hevbendî
