Hevbendiya Niştimanî cext kir ku Komelkujiya hovane yaku hêzên rijêma Esed duh dermafê çar zarokên ku li ser riya vegera ji dibistanê bûn pêk anîne, tawaneke mezin e, û helwesteke vebir ji civaka navdewletî dixwaze, daku sînorekî ji rijêma tawanbar yaku sivîlan nemaze zarokan armanc dike re deyne.
Û Hevbendiya Niştimanî di daxwiyaniyeke xwe de îro bibîr anî ku Hêzên rijêma tawanbar bajarokê Mearit Elneisan li gundewarê Idlibê duh sibeha sêyemîn roja heyva remezanê bi bombebarana topxaneyê yekser armanc kir, û di heman demê de balefirên dijminkar yên Rûsî bajarokên Sifohin, Filîfil li Cebel Elzawiyê li gundewarê Idlibê bombebaran kirin, û pişikdariyê li gel rijêma Esed di kuştin û tirsandina sivîlan de li deverên rizgarkirî dike.
Û daxwiyaniya Hevbendiya Niştimanî bal kişand ser ku rijêma Esed û rijêma Botîn di binpêkirina agirbestê de berdewam in, û bi awayekî dubare bizavê bo lêdana jiyana sivîl û ewlehî û aramiyê li deverên rizgarkirî dikin.
Û bal kişand ser ku mîkanîzma kuştinê, ya ku rijêma Esed û Rûsiya dijî sivîlan li deverên rizgarkirî bi kar tînin bêyî çi bersiveke navdewletî ya rasteqîn hebe, berdewam e, tevlî ku siyaseta wan yaku li ser bingeha wêrankirin û kuştinê ava dibe eşkere bûye.
Û Hevbendiya Niştimaanî ji civaka navdewletî daxwaza rawestandina binpêkirinên dijminkarî yên ku dijî gelê Sûriyê li deverên rizgarkirî pêk tên kir, û daxwaza cîbicîkirina biryarên Encumena Ewlekariyê yên têkildar kir, nemaze biryara 2254, daku sûriyan ji tirajîdiya 11 salan di bin zordarî û tawanên hêzên rijêma Esed û milîsên ku pêre alîkar in rizgar bikin.
Hevbendiya Niştimanî ya Hêzên Şoreş û Rikberiya Sûrî