Hevbendiya Niştimanî ya Sûrî, tekez dike ku sîstema tawankarî li Sûriyê bi serkêşiya Rûsya, rijd e li ser terora xwe ya dermafê sivîlan û têkdana aramiyê li deverên rizgarkirî, ji ber ku bombebarankirina wê ya asmanî li ser gundewarê Idlibê ya ku zêdetir ji milyonek koçber dihewîne berdewam e, û duh jî deverek tijî xelkê koçber li nêzîkî gundê Kelbit li gundewarê Idlibê yê bakur nêzîkî sînorê Tirkiyê bombebaran kir, û di encamê de hejmarek ji sivîlan birîndar bûn.
Û Hevbendiya niştimanî di daxwiyaniyeke xwe de, got ku berdewamiya bombebarana firokeyên Rûsî ji deverên rizgarkirî re, di dema nêzîkbûna heftemîn salvegera dijminkariya wê ya leşkerî li ser Sûriyê, nîşana berdewamiya Rûsiya di rêbaza xwe ya hovane dijî sivîlan de ye, yaku li ser bingeha bombebarankirin, kuştin û wêrankirina binesaziyê ava bûye, da jiyana sivîlan li deverên rizgarkirî pûç bike, û ew heman rêbaza ku rijêma Esed bikar tîne ye.
Û Hevbendiya Niştimanî di daxwiyaniya xwe de, got ku berdewamiya bombebarana firokên Rûsî ji sivîlan re û pêkanîna tawanan dermafê wan, tekez dike ku gotinên Rûsya yên derbarê piştgiriya çareseriya siyasî li Sûriyê derew in û rastiya wan tune ye.
Û daxwiyaniya Hevbendiya Niştimanî bal kişand ser ku ji roja yekem a destwerdana Rûsya di Sûriyê de, bi bombebarankirina hovane û piştgiriya operasyonên leşkerî bo berjewendiya rijêma Esed dest pê kir, û xwe sipart çareya leşkerî ne ya siyasî.
Û Hevbendiya Niştimanî cext kir ku kiryarên dijminkarî yên Rûsya li Sûriya û Okranyayê kirine, hewcedarî livekê ne ji civaka navdewletî da Rûsya û hevalbendên wê (Rijêma Esed) ji tevaya civakên navdewletî dûr bixin, û ti platformê bo wan di Netewên Yekbûyî û rêxistinên navdewletî de terxan nekin, û tê xwestin ku liveke cidî û lezgîn bikin da sînorekî li pêş zordariya Rûsya û tawanên wê yên berdewam deynin.
Jêder: Ofîsa Ragihandinê ya Hevbendiya Niştimanî ya Sûrî