Sekreterê giştî yê desteya siyasî ya Hevbendiya Niştimanî ya hêzên şoreş û opozisyona Sûriyê, Riyad Al-Hesen, berpirsiyariya bicihkirina biryara 2165 ya li 14’ê tîrmeha 2014’an hatibû ragihandin; xist li ser milê Encûmena Ewlehkariyê, û hişyarî da ji berdewamiya sistiya civaka nêvdewletî di erkên xwe de li hember rewşa mirovî ya dijwar li Sûriyê bi taybetî li deverên bakur.
Biryar destûrê dide saziyên mirovî yên NY û hevkarên wê yên cîbicîkirinê ku riyên li ser hêlên nakokiyan û deriyên sînor yên navên wan di biryarê de hatine bikar bînin, ji bo gihandina alîkariyên mirovî bi kurtirîn rê ji kesên pêwîstdar re, bêyî erêkirina rejîmê li ser derbaskirina van alîkariyan, digel avakirina mekanîzmayekê ji bo çavdêrîkirina di bin serokatiya sekreterê giştî yê Netewên Yekbûyî de, ji bo piştrastkirina naveroka mirovî ya van karwanên alîkariyê.
Al-Hesen dubare biryara 2449 ya li 13’ê heyva çileyê pêşîn a 2018 libîr anî, ku biryar bi nûkirina van rêşûnan bo dema duwanzdeh mehên din dabû, anku heta 10’ê mijdara 2020’an.
Al-Hesen tekez kir ku tiştek nîne rê li Netewên Yekbûyî bigire dema bicihkirina biryarê bi riya gelek deriyên sînorî li bakurê Sûriyê, bi hevkariya hevalbendên cêbicîkar, û da zanîn ku eger wê dest bi şandina alîkariyên mirovî nekir, ew dê wekî hevkara hêzên rejîmê û Rûsya û Îranê û milîsên mezhebî yên tawanên hovane li dijî gelê Sûrî pêk tînin were dîtin.
Al-Hesen diyar kir ku operasyonên leşkerî yên rêjîmê û hevalbendên wê li deverên bakurê Sûriya ji meha nîsana borî ve, bûne sedema koçberbûna zêdetir ji yek milyon û 200 hezar kesî, û bal kişand ku ev yek berpirsiyarîyek mezin têxe li ser milê rêxistinên navdewletî ji bo peydakirina alîkariyan ji bo vê hejmara mezin ji sivîlan.
Herweha ku çend raportên mafên mirovan behsa trajediya mezin ya sivîlan li bakurê Sûriyê kiribû, û tekezî li ser giringiya gihandina bilez ji arîkariyên mirovî re ji bo kesên pêwîstdar û peydakirina pêdiviyên bijîşkî ji bo nesax û birîndaran kiribû.
Jêder: Ofîsa Ragihandina Hevbendiya Niştimanî Sûrî