Serokê Hevbendiya Niştimanî ya Sûrî Hadî Elbehra û Şanda pêre, hevdîtinek li gel çalakvanên sivîl û şoreşger li bajarê Girê Sipî li gundewarê parêzgeha Reqayê û hin malbatên li deverê û malbatên ku piştî rizgarbûnê vegeriyane deverê li dar xist, û derbarê zehmetiyên ku dikşînin û pêdiviyên wan ên bingehîn ji bo rûbirûbûna rewşên taybet ên deverê ji bo berdewamkirina xebata wan di bergiriya di ber nirxên şoreşa Sûriyê de û derbirîna ramanên wan, li wan guhdarî kir.
Û Şanda Hevbendiyê ji endamên Desteya Siyasî Ebdulehed Istêfo, Ebdulbasit Ebdulletîf û Mihemed Elî Îsa û Endamên Hevbendiyê Hisên Elre’ad, Mihemed Elhemdo, Mustefa Elhemîde, her wiha Wezîrê Çandiniyê di Hikûmeta Sûrî ya Demkî de Hayil Elkeleş pêk dihat.
Û amadebûyan pirsgirêkên ku hin deverên bajarê Girê Sipî tûşî wan dibin, wek devera Elzeydî ya ku nêzîkî 14 hezar kes lê dijî, û yek ji wan deverên ku di warê aborî de xwedî şert û mercên dijwar û taybet e berçav kirin, nemaze ku piştbestina cotkarên deverê bi baranê ye, û Wezîrê Çandiniyê bersiva çend pirsiyaran da, û derbarê rola Wezareta Çandiniyê û xizmetguzariyên ku Hikûmeta Demkî pêşkêş dike şiroveyek pêşkêş kir, û li ser pirsgirêkên di sektorên tenduristî, perwerde û xizmetguzariyê de axivîn.
Û Çalakvanên sivîl şirove derbarê rewşa jiyanê û xizmetguzariyê li deverê pêşkêş kirin, û gotin ku ji sedî 90’ê aboriya deverê girêdayî karê çandiniyê ye, û daxwaza kar ji bo pêşkêşkirina hêsankariyên pêwîst bo bidestxistina tov, derman û semadê kirin, û tekezî li ser pêwîstiya piştgîrîkirina sektora xwendinê li bajêr di rêya çareserkirina kêşeya dûrketina zarokan ji dibistanan û damezrandina dibistanan û bilindkirina mûçeyên mamosteyan û dabînkirina danpêdanê bi bawernameyên qonaxa navencî û duwenavencî kirin.
û amadebûyan kêşeyên ku di warê tendirustiyê de derdikevin û derengiya pêvajoya pejirandina xelkê li nexweşxaneyan û nezûbûna radestkirina derman ji kesên hewcedar re, û pêwîstiya piştgiriya nexweşên penceşêrê li deverê berçav kirin, ji ber ku 80 nexweşên ku pêdiviya wan bi derman û çareserkirina bi awayekî rêkûpêk heye hene.
Û Elbehra got ku haya me ji qebareya kêşeyên ku dever têde dijî û xelkên me yên koçber tûşî wan dibin heye, û got ku bar pir giran e, û qebareya pêwîstiyên mirovî li Sûriyê zêdetir ji çar milyar dolar e, û rêjeya dewletên ku sozên xwe yên alîkariyê bi cih anîne 11% derbas nebûye, û cextî li ser pêwîstiya yekrêziya xebatê ji bo karê bi hev re ji bo hilgirtina van baran û çakkirina rewşa jiyanê bo xelkê me li deverên rizgarkirî kir.
Û Serokê Hevbendiya Niştimanî, tekezî li ser karê ji bo dabînkirina danpêdana navdewletî bi bawernameyên zanîngeha Helebê ji bo dabînkirina paşeroja ciwan û xwendekarên me, û karkirina li ser dîtina çareseriyin dî bi rêya vekirina şaxên zanîngehan li deverên rizgarkirî yên ku danpêdan bi bawernameyên wan hatine kirin, kir.
Û Şandeyê rêyên dabînkirina pêdiviyên xelkê û çakkirina rewşa kesên ku vegeriyane deverên xwe û balkişandina ser pêşxistina deverên rizgarkirî û hewldana rakirina dorpêça li ser deverê gengeşe kirin.
Jêder: Ofîsa Ragihandinê ya Hevbendiya Niştimanî ya Sûrî
