Serokê Hevbendiya Niştimanî ya Sûrî D. Nesir Elherîrî, bi serdaneke şopandiniyê li ser nexweşxaneya bajarê Girê Sipî yê gundewarê Reqayê rabû, û li beşên nexweşxaneyê û karê têde dibe temaşe kir.
Û di vê Serdanê de Cîgira Serok Ruba Hebûş û Emîndarê Giştî Ebdulbasit Ebdulletîf û Sekretêrê Desteya Siyasî Riyad Elhesen û Endamên Hevbendiyê Behcet Etasî, Yasir Elferhan, Ednan Rehmon, Mohemed Qedah û Ehmed Tuimê, û Serokê Encûmena Xwecihî Wail Elhemdo hevaltiya Serokê Hevbendiyê kirin.
Û Şandê Hevbendiya Niştimanî bi kadroyên ku rêvebiriya nexweşxaneyê dikin û nojdar û perestarên têde dixebitin re civiya, û li pêdviyên wan û rewşa tenduristî li bajê û nemaze di warê rûbirûbûna bêtara korona de guhdarî kir.
Û Şandê Hevbendiyê karên berfirehkirina avahiya nexweşxaneyê bo zêdekirina textên nexwaşan û beşên têde hene ji nêz de şopandin.
Tê zanîn ku bêhtirê beşên pispor di nexweşxaneya Girê Sipî de hene, û beşekî wê taybet bi pêketiyên vîrosa korona ye, her weha dermanxaneya ku dermên bê pere belav dike heye, û taqîgeh û amûrên wênekêşana pizîşkî têde hene, ji bo ku pêdviyên nişteciyên bajêr pêk bîne.
Jêder: Ofîsa Ragihandinê ya Hevbendiya Niştimanî ya Sûrî
