Şandê Hevbendiya Niştimanî ya Sûrî bi Serokatiya Emîndarê Giştî yê Hevbendiyê Heysem Rehmê, sibeha îro, serdaneke meydanî bo Zanîngeha Helebê ya Azad ya li bajarê Ezazê li gundewarê Helebê pêk anî.
Û Şandê Hevbendiyê ji endamên Desteya Siyasî Bedir camûs, Behcet Etasî, Mihemed Qedah û herdu endamên Desteya Giştî Ehmed Şihadî û Necîb Rehmon pêk dihat.
Û Şandê Hevbendiya Niştimanî bi hevaltiya Serokê Zanêngehê Doktor Ebdilezîz Eldigeym, bi gereke meydanî li ser zanîngehê û avahî û beşên nû yên zanîngehê rabûn, û Şandê Hevbendiyê li taqîgeh û avahiyên zanîngehê temaşe kirin, û rewşa pirosesa xwendinê têde berçv kirin.
Û di hevdîtina Şandên Hevbendiya Niştimanî bi Serokatiya Zanîngehê re, li ser miştûmirkirina bizav û karê bo bidestxistina danpêdana cîhanî bi fêrnameyên ji hêla Zanîngeha Helebê ya azad têne dayên axivîn, û şandê bal kişand ser pêwîstiya ku avahiyên rijêma Esed û siponserên wê rûxandine werin avakirin.
Û Şandê Hevbendiya Niştimanî li gel Serokatiya Zanîngehê li ser mijara hevrêziya li gel zanîngehên ku danpêdan pê bûne daku cêwîtiyê li gel Zanîngeha Helebê ya Azad çê bikin axivîn, û şandê bal kişand ser ku xwendekarên Sûrî nimûneyin zîrekî û xweragirî û karê cidî ne, û ew hêviya pêşeroja welêt in.
Jêder: Ofîsa Ragihandinê ya Hevbendiya Niştimanî ya Sûrî
