Şandek ji Hevbendiya Niştimanî bi Serokatiya Emîndarê Giştî yê Hevbendiyê Heysem Rehmê, serdaneke şopandinê bo Komelgeha Elqelemon li gundewarê Helebê pêk anî, ji bo dîtina karê Komelgehê û şopandina rewşa xelkên Qelemon û debara jiyana wan û guhdarkirina li dozen wan.
Û Şandê Hevbendiyê ji endamên Desteya Siyasî ya Hevbendiyê Bedir camûs, Behcet Etasî, Mihemed Qedah û endamê Desteya Giştî Ehmed Şihadî pêk dihat.
Û endamên Komelgeha Elqelemon, pêşwaziya Şandê Hevbendiya Niştimanî ya Sûrî kirin, û li ser xebatên Komelgehê û rewşên koçberên gundewarê Şamê li deverê axivîn, û ketwarê deverê û giringtirîn pirsgirêkên ku rastî wan tên gengeşe kirin.
Û amadebûyan behsa rewşa pirosesa fêrkirinê li deverê kirin, û tekezî li ser xurtkirina hevkariyê ji bo misogerkina mafê hînkirinê ji hemû xwendekaran re kirin.
Û pêşhatên pirosesa siyasî û Komîteya Destûrî û rewşa leşkerî û dawîtirîn pêşhatên li ser asta leşkerî û rêvebirî gengeşe kirin.
Û endamê Komelgehê tekez kirin ku Hevbendiya Niştimanî nûnerê rewa ye ji tevaya gelê Sûriyê re, û cextî li ser piştgiriya Hevbendiyê di pirosesa siyasî de kirin.
Tê zanîn ku Hevbendiya Niştimanî kar li ser pirkirina gerên xwe li deverên rizgarkirî bo şopandina rewşa xelkê me dike, her weha xurtkirina hevkarî û hevrêziyê li gel Komelgehê û saziyên sivîl yên dîtir bo xizmeta koçberan li deverê.
Jêder: Ofîsa Ragihandinê ya Hevbendiya Niştimanî ya Sûrî
