Hevbendiya Niştimanî ya Sûrî cext kir ku armanckirina balefirên dagîrkerê Rûsî dijî bajarê Biniş berbanga roja çarê ji cejna qurbanê binpêkirin e ji rêkeftina agirbestê re, yaku ji berî çend mehan di navbera Tirkiyê û Rûsiya de hatiye îmzekirin, û ew karekî terorîstî û neberpisyarane ye.
Û Hevbendiya Niştimanî di daxuyaniyeke xwe de şeva bûrî got ku bombebarana Rûsî yaku kampeke penaberan armanc kiriye binpêkirineke metirsîdar e, û deriyan li pêşiya gurkirinê vedike, nemaze ku wek beşekî ji helmeteke bombebarana bejayî û asîmanî ye, ya di rojên bûrî de dijî hejmarek ji gund û bajarokên başûrê Idlibê pêkhatiye, û bû sedema rûdana tevgereke derbideriya nû li deverê.
Û got ku Rejîm û hevalbendên wê hewl didin ku rewşê aloztir bikin, da karvedana Civaka Navdewletî nas bikin, û ev yek berpisyariyê tavêje ser milê aliyên navdewletî.
Û Hevbendiya Niştimanî bal kişand ku ji aliyên navdewletî yên kartêker tê xwestin ku kar ji bo rawestandina van tewanan bikin, ji ber ku gefê didin rêkeftina agirbestê, daku rewş têkneçe, jiber ku ew ne di bercewendiya kesî de ye.
Û Hevbendiya Niştimanî hişyarî ji ancamên bombebarana Rûsî yaku kampa penaberan armanc kiriye da, û careke din tekez kir ku dê hemû alî di ber encamên van hewldanên berdewam û bandorên wan de berpisyar bin.
Jêder: Ofîsa Ragihandinê ya Hevbendiya Niştimanî ya Sûrî
