Serokê Hevbendiya Niştimanî ya Sûrî Hadî Elbehra û Şanda pêre, civînek li gel hejmarek ji rêxistin û komeleyên Sûrî yên kartêker li bajarê Mêrsînê yê Tirkiyê duh roja sêşemê li dar xist, û têde li ser mîkanîzmên hevkariyê di navbera wan xwe bi xwe de û di navbera wan û Hevbendiya Niştimanî ya Sûrî û Hikûmeta Demkî û saziyên ser bi wê ve de axivî.
Û Şanda Hevbendiya Niştimanî ji endamên Desteya Siyasî: Cihad Mirî, Selîm Elxetîb û Ebdilnasir Hiso û endamên Desteya Giştî: Fadî Îbrahîm Rêvebirê Ofîsa Hevbendiyê li bajarê Mêrsînê û Ebdilmunim Cinêd pêk dihat.
Û di civînê de Komeleya Filoka Elhuriye, Komeleya Elbereke, Kombenda Xwendekarên Zanistiya Şer’î, Komeleya Senabil Elrehme, Komeleya Meharat, Komeleya Sûriya Pêşerojê û Komcivata Elfecir ya Xêrxwazî beşdar bûn.
Û Serokê Hevbendiya Niştimanî behsa rewşa dijwar ya ku gelê Sûriyê li Sûriyê û li derve tê de dijî û kêmbûna piştgiriya mirovî ya navdewletî di dema rûdana qeyranên mirovî yên dîtir de ku rêjeya bicîanîna dewletan ji sozên xwe re di vê derbarê de niha kêm bûye kir, ev yek jî jiyana penaber û derbideran dixe bin metirsiyê û barên giran davêje ser milê rêxistin û Komeleyên Sûrî .
Û Elbehra tekezî li ser giringiya berfirehkirina pişikdarî û hevkarî û hevrêziyê di navbera rêxistinên civaka sivîl û komeleyan bi giştî de û Hevbendî û Hikûmeta Demkî û saziyên ser bi wê ve kir, ji ber ku dê derdeseriyên sûriyan sivik bike û geşepêdana domdar li deverên rizgarkirî xurt bike.
Û Elbehra li ser giringiya piştgiriya destpêşxeriyan û pirojeyên biçûk li deverên rizgarkirî bo bihêzkirina sûriyan di dabînkirina pêdviyên sereke de li şûna ku xwe bispêrin alîkariyan axivî, her wiha pirogramên perwerdeyê û pîşeyî yên ku Komeleya Filoka Elhuriyê bo keç û jinan pê radibe bilind nirxand, û serdana kargeha pîşeya tabloyên Fuseyfusayê kir li berhemên wê yên hunerî temaşe kir.
Û Elbehra tekez kir ku rewşa deverên rizgarkirî di pêşdeçûneke berdewam de ye, tevî astengiyên heyî yên ku ji tevaya tê xwestin ku beşdariyê di rûbirûbûna wan de bikin û hevbeşiyê di pêşketina wan deveran de li gorî plana karê hevrêzkirî bikin, her kes li gorî şiyan û karîna xwe di warê ku têde dixebite beşdar bibe.
Û Nûnerên Komeleyên Sûrî li Îyaleta Mêrsînê li ser hebûna 13 Komeleyên Sûrî yên ku curbecur xizmetguzariyên civakî û mirovî û hawarçûnê bo Sûriyê li Mêrsînê û ji bakurê Sûriyê pêşkêş dikin axivî, ji wan Komeleya Filoka Elhuriye ya ku di sala 2012yan de hatiye damezrandin û çalakiyên wê li bakurê Sûriyê berçav in û li ser gihandina alîkariyên hawarçûnê bo xelkê me yên li wê derê wek derman û keresteyên xwarinê kar dike, li gel çalakiyên wê yên piştgiriya hînkirinê û zêdetir ji 600 derfetên kar ji sûriyan re li Tirkiyê dabîn dike.
Û li ser astengiyên ku rastî karê rêxistin û Komeleyên Sûrî tên, nemaze di çalakiyên wan li bakurê Sûriyê de, tekez kirin ku pêdvî bi dabînkirina hêsankariyan bo hinardekirina keresteyên çandiniyê û tiştên li Sûriyê hatine çêkirin bo Tirkiyê heye, her wiha hêsankirina tevgera bazirganî li pêşiya veberhêneran ji bo piştgiriya ewlehiya xwarinê û dabînkirina derfetên kar ji bo welatî karibe pêdawîstiyên jiyaneke rûmetdar dabîn bike.
Jêder: Ofîsa Ragihandinê ya Hevbendiya Niştimanî ya Sûrî
