Hevbendiya Niştimanî ya Sûrî, civînek ji bo rêzgirtina Konsulê Fransî Antoine La Retier li dar xist, bi boneya bidawîhatina erkê wî di nav şandeyê welatê wî de li Stembolê û wergirtina wî ji erkên nû re di baregeha Wezareta Derve ya Fransa li Parîsê de.
Û di civînê de Serokê Hevbendiya Niştimanî Salem Elmislit, Serokê Desteya Danustandinê ya Sûrî Bedir Cemûs, Emîndarê Giştî Heysem Rehmê û Cîgirê Serok Ebdilehad Istêfo û hejmarek ji endamên Desteya Siyasî, her wiha Rêveberê Yekîneya Hevrêzikariya Piştgiriyê Mihemed Hesno û Rêveberê Yekîneya Piştgiriya Aramiyê Munzir Sellal amade bûn.
Û Cîgira Konsul ya ku dê têkeve şûna wî de Xanim Amal Benhajouj, û Nûnerê Taybet ê Holendî bo dosyaya Sûriyê, Leonard Hogerberg hevaltiya Konsul kirin.
Û di hevdîtinê de, Elmislit li ser pêşhatên rewşa siyasî û meydanî di dosya Sûriyê de û helwestên Fransa yên piştgiriya şoreşa Sûriyê di hemû civînên navdewletî de axivî, û hêviya xwe anî ziman ku dosya Sûriyê di nav pêşîneyên hikûmeta Firansayê de bimîne, û ew hevkarî û hevrêzî ji bo rizgarbûna ji rijêma tawankar û sivikkirina êş û azarên Sûriyan û pêkanîna daxwazên wan, û vegerandina aramiyê li Sûriyê û deverê berdewam be.
Û Elmislit bal kişand ser pêwîstiya piştgirtina tevgera nû ya şoreşê li Siwêda, Dera û deverên din ên Sûriyê, û pêşdebirina pirosesa siyasî ber bi cîbicîkirina biryarên navdewletî yên girêdayî karûbarê Sûriyê ve, bi taybet daxwiyaniya Cinêvê û biryarên 2118 û 2254.
Û Amadebûyan spasiya Konsul Antoine li ser karê wî yê nirxdar bi dirêjahiya dema erkdariya wî di dosya Sûriyê de kirin, û Serokê Hevbendiya Niştimanî spasiya Frensa li ser helwestên wê yên neguhêr ji asayînekirina têkiliyan bi rijêma Esed û ranekirina sizayan ji ser wê kir.
Û Cîgirê Serok Ebdilehed istêfo tekezî li ser rola giring a Fransa li Sûriyê û berdewamiya riya dîrokî ya dîplomasiya Fransa ya ku piştgiriya Sûriyan û doza wan kiriye, kir.
Û Emîndarê Giştî Heysem Rehmê hêviya serkeftinê ji xanim Amal re di karê wê yê qonaxa bê de anî ziman, û ku roleke Fransa mezintir hebe di vegerandina hêviyê ji gelê Sûriyê re, bi pêkanîna daxwazên gel di azadî, rûmet û demokrasiyê de.
Ji aliyê xwe ve Serokê Desteya Danustandinê Bedir Cemûs, amaje bi wê yekê kir ku gelê Sûriyê şayist e ku bi kêmanî hevalê wî kêmtirîn tişta ku hêjayê be jî bidinê, û pêwîst e rewatiyê bidin deverên rizgarkirî ji bo bihêzkirina gelê Sûriyê da ku çareseriyeke siyasî pêk bîne, ew jî bi zêdekirina hêz û rewatiya deverên rizgarkirî, û daxwaza kartêkerkirina girûpa Piştgiriya gelê Sûriyê dike kir.
Ji aliyê xwe ve konsulê Fransî Antoine spasiya Hevbendiya Niştimanî li ser salên ku bi Sûriyan re parvekiribû da daxwaz û xewnên wan pêk werin kir, û careka dî tekezî li ser piştevaniya bihêz ya welatê xwe ji bo bicihanîna daxwazên gelê Sûriyê kir.
Jêder: Ofîsa Ragihandinê ya Hevbendiya Niştimanî ya Sûrî
