Hevbendiya Niştimanî ya Sûrî şêwaza danûstandina Netewên Yekbûyî li gel bobelata mirovahî yaku li Sûriyê piştî erdheja wêranker bûye, rexne kir, û got ku ew siyasî ye û pêdviyan li ber çavan nagire.
Û Hevbendiya Niştimanî di daxwiyaniyeke xwe de tekez kir ku danûstandina Netewên Yekbûyî li gel bobelata erdhejê li Sûriyê siyasî bû, û pêwîstiyên her deverekê li ber çavan nehatin girtin, û bal kişand ser ku rêxistinên Netewên Yekbûyî piştevanî ji rijêma Esed re şandin, û hiştin ku kavil li deverên rizgarkirî sivîlan bifetisînin, tevî ziyanên giran yên ku lê bûne.
Û Hevbendiya Niştimanî bang li civaka navdewletî kir ji bo liveke kartêker li derveyî Netewên Yekbûyî û Encûmena Ewlekariyê pêk bîne, bi armanca peydakirina alîkariyê ji Sûriyan re û şandina tîmên pispor û avakirina penagehên bilez ji bidehên hezaran malbatên ku aware bûne re.
Û Hevbendiya Niştimanî daxwaza liveke bilez û kartêker û vekirina dergehên mirovî yên zêdetir bo deverên rizgarkirî, ji Emîndarê Giştî yê Netewên Yekbûyî û Şanderê taybet bo Sûriyê kir.
Û Hevbendiya Niştimanî cext kir ku Netewên Yekbûyî nikariye ziyanên bobelata erdhejê li deverên rizgarkirî kêm bike, û ji ber vê yekê em dixwazin ku vekolînek derbarê egera bersiva nerênî hember bobelatê li deverên rizgarkirî li Sûriyê û arastekirina piştgiriyê ji rijêma tawankar re, bê vekirin.
Û Hevbendiya Niştimanî di daxwiyaniya xwe de bal kişand ser ku bobelata li deverên rizgarkirî ji şiyanên rêxistinên heyî zêdetir e, ev yek jî jiyana xelkê di heyvên bê de pir zehmet dike, û pêwîstiya deverê bi planeke bersivdayîna navdewletî ya kartêker û bibandor û rasterast heye.
Jêder: Ofîsa Ragihandinê ya Hevbendiya Niştimanî ya Sûrî
