Serokê Hevbendiya Niştîmaniya Hêzên Şoreş û Dijberiya Sûriyê “Enes El- Ebde”, nameyek bilez ji wezîrên derve yên dewletên Hevpeymaniya Navdewletî re şand, piştî komkujiyên ku Doh, li Munbica Gundewarê Helebê pêk hatin, ku di encam de bêhtir ji 125 sivîlî bûne qurbanî.
Serokê Hevbendiyê daxwaza helawîstina bilez ji operasyonên leşkerî yên Hevpeymaniya Navdewletî li Sûriyê re kir, heta ku lêpirsîn derbarê van bûyeran de çêbibe, û tekez kir ku nabe ev lêpirsîn tenê ji tedbîrên operasyonên siberojê re be, lê divê kesên berpirs bêne sizakirin derbarê van binpêkirinan de, û da zanîn ku dubarekirina van bûyeran nîşana wê yekê ye ku çewtiyek diyar heye di bingeha operasyonan de, yên ku Hevpeymaniya Navdewletî di êrîşên xwe de li deverên sivîlan bikar tîne.
Herwiha El-Ebde tekezî li ser şermezarkirina vê kiryarê kir, û berpirsyaretiya temam xiste histê Hevpeymaniya Navdewletî de, û di heman demê de destnîşan kir ku wiha tawan piştî pênc salan ji kuştin û îşkenceyê derheqê gelê Sûriyê li ser destê rêjîma Esed û milîs û hevalbendên wê, dibe ku gelê Sûriyê bi awayekî mezin bixe gerînoka bêhêvîtiyê de. Û bide zanîn bê ev yek “Alaveke ji berjewendiya rêkxistinên terorîstî ye”
Doh, Hevbendiya Niştîmanî di daxuyaniya xwe de tekez kir ku divê parastina sivîlên Sûrî armancek sereke be ji her operasyonekê re, dema rêjîma Esed yan rêkxistinên terorîst bike armanc.
Û lêzêde kir:”Rûbirûbûna Terorê, ne di rêya armanckirina sivîlan bi awayekî hovan e de ye, û bi ti awayî nayê qebûlkirin ku kesê berpirsyar di ber armanckirina sivîlan de neyê sizakirin, nexasim ku ev komkujî ne ya yekemîn e, û Hevpeymaniya Navdewletî ti lêpirsîn derbarê carên berê de venekiriye “.
Jêder: Hevbendî.