Hevbendiya Niştimanî ya Sûrî tekez kir ku Mirina girtiyekî Sûrî di zîndana Romyê ya Libnanî de, bi sedema guhnedan û tunebûna rêşûnên saxlemiyê tiştekî bobelatî ye, û desttêwerdaneke yekser ji aliyê rêxistinên navdewletî ve tê xwestin, daku girtiyên din rizgar bikin.
Û Hevbendiya Niştimanî di daxwiyaniya xwe de, daxwaza sedemên girtina Sûriyan li Libnanê kir, û çavdêrî lê bibe, daku zanibin ta kîjan astê mafên girtiyan û rêşûnên saxlemiyê têne dabînkirin, nemaze di dema belavbûna bêtara korona de.
Û Hevbendiya Niştimanî got ku Girtina di van rewşên bobelatî de kiryarekî ne mirovahî ye û ne jî sincî ye, û ew binpêkirina yasaya navdewletî ye, û hindik maye ku bibe awayek ji awayên jenosîdê.
Û Jêderin mafnasîyê mirina welatiyê Sûrî Mehmod Fereh, yê ji devera Elqisêr ya gundewarê Humsê di hundir zîndana Romiyê ya Libnanî tekez kiribûn, û hevbendiyê bal kişand ser ku hindik mabû Fereh dema darizandina xwe bidawî bikira û serbest bihata berdan, demeke dirêj di neguhdana pizîşkî û tendurstî de jiyabû, û derdeseriya dijwariyên xerabbûna rewşên xizmetguzarî û paqijî û pîsbûna xwarinê dikşand.
Û Hevbendiya Niştimanî bal kişand ser ku rewşê dişopîne, û ofîs û desteyên pispor di pêwendiyên li gel aliyên corbecor berdewam in, ji bo şopandina rewşa bêhtir ji 1,800 Sûriyên di rewşeke dijwar û nemirovahî de girtî ne, piştî ku gelek ji wan bi darizandinên neheq û zordar haitine darizandin, û tekez kir ku çi sedemên girtinê hebin ji mafê wan girtiyan e ku guhdan û parastina pêwîst ji wan re were dabînkirin, û çi qelsî di pêşkêşkirina guhdana tenduristî de hebe nayê pejrandin û ew dighê asta tewanê.
Û Hevbendiya Niştimanî cext kir ku divê tevaya rêşûnên girtinê li Libnanê, û dan û standin bi rewşa girtinên berdewam û demdirêj re rawestin, û lêvegerîneke lezgîn ji tevaya biryarên girtinê û darizandinên dermafê wan girtiyan derketine çêbibe.
Û Hevbendiya Niştimanî daxwaza kar li ser Kartêkerkirina mîkanîzmên serbestberdan û lêborîna giştî an taybet ji bo yên metirsiya wan li ser civakê tune ne were derxistin, û di serî de sûriyên ku hindik maye ku dema hukmê xwe bi dawî bikin kir.
Û Hevbendiya Niştimanî ya Sûrî daxwaz ji Saziyên Mafnasî yên Navdewletî û Xaça Sor ya Navdewletî kir, ku yekser serdana zîndana Romiyê û zîndanên Libnanê yên din bikin, daku li rewşa girtiyan temaşe bikin, û temîniyên pêwîst bo misogerkirina saxlemiya wan werin pêşkêşkirin.
Jêder: Ofîsa Ragihandinê ya Hevbendiya Niştimanî ya Sûrî
