Bi boneya bîranîna yanzdemîn ya şoreşa Sûriyê Hevbendiya Niştimanî ya Sûrî daxwiyaniyeke rojnemevanî derxist û têde hêviyên xwe anîn ziman ku ev sal bibe sala dawî ya penaberî û derbiderî û girtin û koçberkirin û peyketin û îşkencekirina gelê Sûriyê, û cejna şoreşê ya dahatî bi ser me de were, hêviyên gelê Sûriyê yê gewre di azadî û dadwerî û rûmetê de pêkhatî bin, û me karîbe veguhestina siyasî bicî bînin, û ev rijêma sîxwir hilanîbe, û hêzên dagîrker qewitandibin, û em tevde li meydanên Sûriyê ahengên azadiyê lidar bixin.
Û Hevbendiya Niştimanî tekez kir ku Îro ji hemû deman bêhtir ji cîhanê tê xwestin ku bi durustî li kêlek gelê Sûriyê yê ku hejmara qurbaniyên wî gihîştiye asîmanan rawestin, û daxwaza hilanîna sîwana rewayê ji ser rijêma Esed ya tawanbar kir, û wê ji tevaya saziyên navdewletî biqewtînin.
Û daxwaza piştgiriya azadîxwazên Sûriyê di xebatên dijî rijêma Esed de kir, û pirojeyên Rûsiya ya ku dixwaze rijêmê bi ser bixîne û jinûde wê çalak bike têk bibin, û rûbirûyî pilanên rijêma Îranî ya kirêt yaku dixwaze nefret û mezhebiyê belav bike rawestin.
Û Hevbendiya Niştimanî bal kişand ser ku civaka navdewletî weke aloziyeke li welatekî dûr vêketiye li gel şoreşê dida û distand, ne weku agirekî li zeviyeke derdorê vêketî be, û pêre li gorî rêbaza rêvebirina aloziyê ne çareserkirina wê kar kir, ew jî bû sedem ku hejmara qurbaniyan û ziyanan li sûriyê mezin bibe, lê pişt re ziyan giha civaka navdewletî bi xwe li ser gelek astan, û em vê dawiyê dibînin ku Rûsiya dijminkariya xwe dibe ser Okranya wek welatekî li ser sînorê Uropayê, û gefan li aştiya cîhanî dixwe û amaje bi bikaranîna çekên otomî dike.
Û Hevbendiya Niştimanî got ku bijardeyên civaka navdewletî yên şaş û helwestên wê yên sist bûn sedema çêbûna hejmarek mezin ji bobelatan li Sûriyê û deverê û cîhanê, lê derfet hîna li pêşiya tevayan heye, di riya pêşdeçûna di bijardeyên durust de û piştgiriya rasteqîn û cidî ji gelê Sûriyê û hêzên wî yên leşkerî û siyasî re, ji bo ku desthilatdariya stemkarî û terorê ya rijêma Esed û sponserên wê yên Îranî û Rûsî bidawî were, û dewleta sivîl û demuqrat ya kartêker û erênî li ser asta deverê û cîhanê ava bibe.
Û Hevbendiya Niştimanî di daxwiyaniya xwe de cext kir ku tevî hovîtiya ku rijêma Esed li gel şoreşa Sûriyê danûstandin kiriye û tevî ku alîkarî ji Îranê û Milîsên Hizbullaha terrorist xwestiye, lê dîsa rijêm di vemirandina çirûska şoreşê de biser neket, û nikarîbû bihêle gelê Sûriyê dest ji daxwazên xwe berde, û di serî de daxwaza ruxandina rijêma tawanbar.
Jêder: Ofîsa Ragihandinê ya Hevbendiya Niştimanî ya Sûr
