Hevrêzkarê Girûpa Karûbarê Penaber û Derbideran ya Hevbendiya Niştimanî ya Sûrî Ehmed Bekûra, tekez kir ku gurbûna leşkerî li Libnanê û armanckirina kampên penaberên Sûrî ji aliyê Israîla dagirker ve, bi sedên hezarên Sûrîyan neçar dike ku berê xwe bidin Sûriyê, tevlî şert û mercên dijwar û çarenivîsa ne diyar ji ber kiryarên tawankarî yên berdewam bi destê rêjîma Esed û dezgehên wê yên ewlekariyê û milîsên wê yên mezhebî.
Di daxuyaniyeke rojnamevanî de, Bekûra tekez kir ku hîn jî Sûriye ji bo vegera penaberan ne ewle ye, ji ber berdewamiya heman sedemên reva wan, ango kuştin, girtin û îşkencekirin, û got ku raporên mafnasî yên rolane û mehane û salane, vê yekê piştrast dikin.
Bakûra bal kişand ser wê yekê ku çareserî di nav van rewşên aloz de pir kêm in, û pêwîstî bi hevkariyeke navdewletî ya rasteqîne heye, û bang li civaka navdewletî kir ku mîkanîzmayên bibandor ji bo şopandina rewşa Sûriyên ku digihêjin welat peyda bike, û ewlehiya wan û parastina wan ji metirsiyan misoger bike.
Bekûra daxwaz ji civaka navdewletî kir ku fişarê li rêjîma Esed bike ji bo rawestandina kiryarên wî yên tawankarî li dijî kesên ku ji Libnanê direvin, û rawestandina bombebarankirina navçeyên rizgarkirî li bakurê Sûriyê, yên ku di van rojên dawî de bûn sedema pêlên nû yên koçberbûnê.
Jêder: Ofîsa Ragihandinê ya Hevbendiya Niştimanî ya Sûrî
