Serokê Hevbendiya Niştimanî ya Sûrî D. Nesir Elherîrî, daxwaza roleke Kartêkertir li Sûriyê ji dewletên Ereb kir, û tekez kir ku ew rola çalak dê bi awayekî mezin di bidawîkirina hebûna Îranê li welatên deverê de alîkar be.
Û di gotineke xwe de li ser tiwêterê eşkere kir ku Hevbendiya Niştimanî hêvîdara roleke Erebî ya kartêkertir e, ji bo derdeseriyên gelê Sûrî yên bi sedema rijêma Esed bidawî bike, û xebatê li ser bidawîkirina belavbûna Îranî li Sûriyê bike.
Û Elherîrî dît ku metirsiya belavbûna Îranê her roj ber bi devera Erebî tevî de mezin dibe, û got ku hevsengiyek pev girêdayî heye, ji ber her ku rola Erebî li Sûriyê çalak dibe, li hember wê rola Îranê û milîsên wê kêm dibe.
Û di heman demê de Serokê Hevbendiya Niştimanî, komek ji nameyan arasteyî Wezîrên Derve yên Dewletên Ereb kirin, daku wan dewletan han bide li ser ku bêhtir hevkarî û hevrêziyê ji bo kartêkerkirina rola Erebî di pirosesa siyasî li Sûriyê de bikin, û pêwîstiya ku Komkara Erebî xebatê li ser dîtina çareya siyasî li welêt pêşde bibe bike.
Jêder: Ofîsa Ragihandinê ya Hevbendiya Niştimanî ya Sûrî
