Serokê Hevbendiya Niştimanî ya Sûrî Salim Elmislit, daxwaz ji Hikûmeta Sûrî ya Demkî û Yekîneya Hevrêzkariya Piştgiriyê kir, ku liveke lezgîn bo rûbirûbûna metirsiya belavbûna bêtara leşmaniya bikin, ew nexweşiya ji demeke nêz de li hejmarek ji bajar û bajarokên deverên rizgarkirî belav bûye.
Û li gor raporên gihiştine Hevbendiya Niştimanî, zêdebûneke mezin û metirsîdar di hejmara pêketiyên bêtara leşmaniya de li devera Serê Kaniyê û gundewarên wê heye, nemaze di nav zarokan de, û hejmara pêketiyan bêhtir ji 15 hezar kesî ye.
Û Elmislit Hikûmeta Sûrî ya Demkî û Yekîneya Hevrêzkariya Piştgiriyê û navendên bijîşkî li deverê han dan ser hevrêzî û hevkariyê daku sînorekî ji bêtara ku li deverê belav dibe re deynin.
Û Elmislit daxwaza hevkariyê û pêşkêşkirina tevaya awayên piştgiriyê dijî vê bêtarê ji tevaya hêzên xwecihî yên sivîl û leşkerî û tevaya bijîşkên sûrî û komeleyên sivîl û yên hawarçûnê kir, daku sivîlan li deverên azad ji vê nexweşiyê rizgar bikin.
Jêder: Ofîsa Ragihandinê ya Hevbendiya Niştimanî ya Sûrî
