Endamê Desteya Siyasî ya Hevbendiya Niştimanî ya Sûrî Ebdilbaset Ebdulletîf, amaje bi wê yekê kir ku dezgehên rijêma Esed rastî rewşeke têkçûna li pey hev tên, û êdî mijar nema tenê bi reva leşkeran ve girêdayî ye, ji ber ku niha karmendên dewletê jî dev ji karên xwe berdidin, piştî ku rijêmê nikariye debara jiyana wan a rojane ji wan re dabîn bike.
Û Ebdulletîf di daxwiyaniyin taybet de got ku rijêma Esed di salên bûrî de derdê rev û veqetîna leşker û efserên ku fermanên wê yên kuştina gelê Sûriyê red dikirin dikişand, lê îro kula jidestdana karmendên sektora giştî, yên ku berî temenê malnişîniyê dest ji karên xwe berdidin dikşîne.
Û bal kişand ser wê yekê ku rijêma ku Îranê û Rusiya di salên bûrî de kar ji bo parastina wê ji rûxandina serbazî kirin, û ew nîvrihî hiştin, lê dibe ku ti kesî peyda neke ku wê ji hilweşîna aborî biparêze.
Û ev yek piştî ku rojnameyên nêzîkî rijêma Esed agahî dan li ser diyardeya destberdana komî ji kar di sektorên dewletê de, û daxwaznameyên berdana kar ên karbidestên ku negihane temenê malnişîniyê, hevdem li gel ketina nirxê lîreya sûrî li hember dolar û pereyên din ên biyanî.
Û amûrên ragihandinê ên xwecihî anîn ziman ku li parêzgeha Elsiweyda bi tenê di dema dawî de 400 karmendî dest ji kar berda, û amaje bi wê yekê kir ku “Derketina mezin ji sektora giştî, çi bi rêya berdana kar be, yan jî bi daxwaznameyên malnişîniyê li gorî salên kar be, û ne ji ber temenê karbidest, hişyariyê dide ku dibe sektora giştî ji karmendan vala bibe.”
Hêjayî gotinê ye ku ji dawiya sala bûrî ve, ketina nirxê lîreyê bi awayekî berçav dest pê kir, û vê yekê hişt ku banka navendî ya rijêmê nirxê lîreyê yê fermî kêm bike, da ku bigihêje nirxê wê yê li bazara reş, û deverên rijêma Esed rastî kirîzeke aborî ya dijwar tên, ji ber nebûna berhemên petrolê û bilindbûna rêjeya hejariyê ku bûye ji sedî 90, û rawestana berhemdanê, û êdî dewlet nikare elektirîkê ji welatiyan re ji bilî rojê çend katijmêran dabîn bike.
Jêder: Ofîsa Ragihandinê ya Hevbendiya Niştimanî ya Sûrî