Serokê Hevbendiya Niştimanî ya hêzên şoreş û rikberiya Sûriyê, Riyad Sêf, Amerîka han da li ser zêdekirina bizav û beşdariya xwe ji bo karakirina pêvajoya siyasî di çarçovê danustandinên Cinêv de, û pal da li ser berpirsyaretiya dewletên dost li ser karê peydakirina parastina pêwîst bo miletê Sûriyê.
Ev yek hat di hevdîtinekê de li baregehê Hevbendiyê di navbera serokê Hevbendiya Niştimanî û endamê desteya siyasî Hadî Elbehra ligel Maykil Rantî cîgirê alîkarê wezîrê derve yê Amerîk de.
Sêf di hevdîtinê de du yadeştname dan destê mihvanê xwe derbarê tawanên şer yên li Dêrazorê dibin û yên bûne encamê koçberiyeke bikom li çend navçeyê parêzgehê û kuştina hejmareka mezin ji sivîlan bi sedema êrîşên esmanî li ser navçeyên wan.
Herwiha di herdu yadeştnameyan de amaje hatiyê kirin li ser tawanên li dijî sivîlên Reqê yên bi destê hêzên “QSD”, û berdewamiya kuştina bi dehan sivîlên bêguneh ji encamê oparesyonên esmanî yên Hevpeymaniya Navdewletî, û di yadeştnameyan de daxwaz hatiye bi giringiya ku Hevpeymaniya Navdewletî ya bi serkêşiya Amerîka rabe bi parastina sivîlan û dabînkirina pêdawîstiyên wan û encamdana lêkolînan ligel binpêkaran û standina pêgavên pêwîst bo rawestandina binpêkirinan.
Herwiha herdu yadeştnameya tekezî kiriye li ser giringiya peydakirina amadekariyên pêwîst û hêsankariyan ji karakirina beşdarîkirina herdu tabûrên artêşa azad “artêşa Isûd elşerqiyê” û “hêzên şehîd Ehmed Ebdo” di oparesyona rizgarkirina Dêrazorê de û gerantîkirina armancnekirina wan ji aliyê hêzên Rijêmê û hevalbendên wê ve.
Di hevdîtinê de, Sêf got ku “her çareseriyek siyasî li Sûriyê nebe encamê pêkanîna daxwazên gelê Sûriyê yên ji bo wan her tişteke bi dest heyî dayî wê nikaribe seqamgeriyê peyda bike”.
Û got ku ne pêkanîna dadweriyê û sizanekirina tawankaran û azadnekirina girtiyan wê bibe fakterê ne berdewamiya her çareseriyeka siyasî, ku her çareseriyek pêwîst e bibe encamê veguhestineka siyasî ya bineretî û giştgîr, ku gel têde bikaribe dariştina destûra xwe û helbijartina nûnerên xwe bi azadî dubare bike, û cext kir li ser ku ” nabe paşeroja Sûriyê bête girêdan bi rijêmeke tawankar ve”.
Sêf bal kişand ku çareseriyeka siyasî ya bikaribe berdewam be negunce ligel mana Bişar Esed, û balkişand ku ev pirsgirêk bûye kosp li pêşiya pêşketina danustandinan, û bûye kosp li pêşiya dubarekirina seqamgeriya navçeyê.
Ji aliyê xwe ve, Hadî Elbehra tekez kir ku Hevbendiya Niştimanî hewl dide û daxwaza rawestandina kuştinê bi carekî dike, û destxweşiyê li hemû destpeşxeriyên ji bo vê yekë dike û cext kir ku dibe ew nebe daxwaz bo destberdariya xelkê Sûriyê ji daxwazên xwe bo bidestxistina mafên xwe yên mirovî û siyasî û destûrî, û doza neguhere bo dozên jiyarê û rêşûnên leşkerî, û bal kişand ku her çareseriyek beşekî nikare berdewam be û sernakevê li ser terorê û seqamgeriyê peyda nake. Jêder: Ofîsa Ragihandina Hevbendiya Niştimanî
