Ofîsa Pêwendiyên Derve ya Hevbendiya Niştimanî ya Hêzên Şoreş û Rikberiya Sûrî, bi hevrêzkariya li gel Wezareta Tendurustî di Hikûmeta Sûrî ya Demkî de, û Yekîneya Hevrêzkariya Piştevaniyê, du civînên ji hev cuda di riya odeyeke telfiziyonî ya girtî re lidar xistin, a yekemîn bi Serokê Beşê Rojhilata Navîn di Yekîtiya Ewropa de Erika Ferrer û giropê wê yê kar re bû, û ya duyemîn bi Şanderê Navnetewî bo Sûriyê Ger Pederson û giropa kar a taybet a bi wî re bû.
Û di cîvînê de, ji aliyê Ofîsa Pêwendiyan ve Cîgira Serokê Hevbendiyê Dîma Mosa û Hevrêzkarê Ofîsa Têkliyên Derve Ebdulehed Istêfo, û Serokê Hevbeş yê Komîteya Destûrî Hadî Elbehra, û Wezîrê Tendurustiyê di Hikûmeta Sûrî ya demkî de, D. Meram Elşêx, û Serokê Yekîneya Hevrêzkariya Piştevaniyê Mihemed Hesno amad bûn.
Di destpêkê de Wezîrê Tendurustiyê, D. Meram Elşêx, li ser rewşa deverên rizgarkirî û berdewamiyia Wezaretê di karê kontirolkirina kesên gumana pêketina Vîros li ser wan heye axifî, û xebatên din yên Wezaretê ji bo cîbicîkirina karên pêve girêdayî ji pilana kar ya bi Rêxistina Tendurustî ya Cîhanî re li ser hatiye lihevkirin şirove kirin.
Û Serokê Yekîneya Hevrêzkariya Piştevaniyê, Mihemed Hesno, karên dezgeha xwe di warê dabînkirina hewcedariyên Wezareta Tendurustî û hemû kartên din ji bo dorpêçkirina Vîrosa Korona û nehêlîna belavbûna wê li deverên rizgarkirî şirove kirin.
Û ji aliyê xwe ve Serokê Hevbeş yê Komîta Destûrî ,Hadî Elbehra, rexne li şêweyê karê Rêxistina Tendurustî ya Cîhanî kirin, ji ber ku alîkariyên girêdayî bi pilana bersivdanê jibo rûbirûbûna bêtara Covid19 li deverên rêjîma Esed belav kirin, rijêma ku hîn berdewam e di veşartina hejmarên rasteqîn ên pêketiyên Vîros li deverên di bin kontirola wê de, û ji ber ku Rêxistina Tendurustî ya Cîhanî di karê xwe de li deverên rizgarkirî derng ma.
Û Elbehra bal kişand ser ku belavbûna xaknîgarî ya sivîlan li Sûriyê, yên li deverên rêjîmê û yên li herêmên rizgarkirî li gorî raporên meydanî mîna hev in, lê cudahiya mezin ew e ku karta bijîşkî li deverên rizgarkirî rastî êrîşên tund ji hêla rêjîmê ve hatiye, û ew bû sedema wêrankirina piraniya avahiyên bijîşkî û tendurustî.
Û amadebûyan tekezî li ser pêwîstiya berdewamiya fişaran li ser rêjîmê kirin, bi şêweyekî yekser be, an di riya piştgiriyên wê re be, jibo serbestberdana girtiyên di zîndanên wê de, nemaze di rewşa ku navendên girtinê û zîndan dihêlin ku Vîros bi rengekî lezgîn belav bibe, di dema tunebûna guhdana tendurustî di girtîgehên tijî girtî de.
Û mijara cezayên aborî hate gengeşekirin, û Hevbendiyê tekez kir ku ew tenê karta aborî armanc dike, û karta bijîşkî an alîkariyên mirovahî armanc nake, û tekî li ser gihandina alîkariyên mirovahî û bijîşkî ji tevaya Sûriyan re kir, jibo rûbirûbûna bêtara Korona.
Û amedeyan çext li ser pêwîstiya berdewamiya fişaran li ser rêjîmê kirin, daku tevlî pirosesa siyasî bibe, û rê li pêşiya komîteya destûrî ya Sûrî vebe, jibo gihîştina çareya siyasî ya temamî di riya cîbicîkirina biryara Encûmana Ewlekariyê ya 2254, tevî daxwiyaniya Cinêvê.
Jêder: Ofîsa Ragihandinê ya Hevbendiya Niştimanî ya Sûrî
